dëgjoni

Më 6 korrik në plenarin e 117-të të Komitetit Olimpik Ndërkombëtar, Londra mundi me epërsi të vogël votash Parisin, duke fituar të drejtën e organizimit të Lojërave Olimpike të vitit 2012.

Në fakt, fitorja i Londrës ishte pak a shumë e papritur, sepse para votimit, opinioni ishte parapërgatitur për fitoren e Parisit. Kjo ishte hera e tretë që Parisi paraqiste kërkesë për organizimin e Lojërave Olimpike. Në dy herët e para, ai u mund përkatësisht nga Barcelona për Lojërat Olimpike 1992 dhe Pekini për Lojërat Olimpike 2008. Kësaj here, Parisi ndjehej i fortë dhe u përpoq të fitonte. Gjatë procesit të kërkimit të të drejtës për organizimin e Lojërave Olimpike, Parisi konsiderohej si qyteti më me perspektivë dhe u vlerësua më lart në raportin e vlerësimit të Komitetit Olimpik Ndërkombëtar.

Në krahasim me Parisin, Londra shpërtheu sulm të fortë në periudhën e fundit të procesit të kërkimit të të drejtës për veten dhe kështu u zvogëlua distanca me Parisin. Por në raportin e vlerësimit teknik të Komitetit Olimpik Ndërkobëmtar, Londra ndodhej përsëri prapa Parisit. Në rundin e fundit të votimit më 6 korrik, u mbetën vetëm Londra dhe Parisi. Shumë personalitete ishin të mendimit se meqenëse të dyja qytetet kanë mundësi të përafërta dhe ishte e vështirë të parashikohej rezultati, Parisi kishte prapësëprapë një epërsi të lehtë.

Në fakt, sipas rezultatit real, Londra ka qenë përpara Parisit gjatë gjithë procesit të votimit me 4 runde. Veçanërisht pas përjashtimit të Nju-Yorkut, Londra rriti epërsinë e vet ndaj Parisit, gjë që ndoshta kishte lidhje me elementin gjuhë, nga që Londra dhe Nju-Yorku janë nga vende e popuj anglishtfolës dhe prandaj votat për Nju-Yorkun u transferuan në Londër.

Sipas logjikës së gjuhës, pas përjashtimit të Madridit, votat e tij duhet të shkonin për Parisin, sepse Franca dhe Spanja janë vendet të gjuhës latine. Por fakti ishte se edhe shumë vota të Madridit kaluan për Londrën. Kështu Londra fitoi mbi Parisin me rezultatin 54:50 vota.

Duke analizuar rezultatin e votimit, Anëtari i Komitetit Olimpik Ndërkombëtar He Zhenliang tha se humbja e Parisit nuk i takon cilësisë së kërkimit për organizimin e lojërave, por marrëdhënieve të ndërlikuara brenda Komitetit Olimpik Ndërkombëtar. Sipas këtij komiteti, Londra fitoi shumë vota nga qytetet larguara në runndet e para.

Nga njëra anë, Londra bëri shumë përpjekje paraprake për fitimin e sa më shumë votave, nga ana tjetër, ajo dha një shfaqje shumë prekëse në truallin e votimit. Përfaqësuesit e Londrës theksuan se për të ardhmen e Olimpiadës, duhet të përpiqemi që sa më shumë fëmijë e të rinj të marrin pjesë në sport. Veçanërisht kryetari i Komitetit të Kërkimit të të Drejtës së Organizimit të Lojërave Olimpike të Londrës, Sebastian Koe mbajti një referat emocionues, që u ka lënë përshtypje të thellë shumë njerëzve. Thuhet se në qoftë se do të kishin një vlerësim sipas shfaqjes së atypëratyshem, Londra do të shpallej menjëherë fituese. (Wang Lei)