pjesa e parë

Dashuria ime ndaj atdheut

Jackie tha se ai i ka zili olimpistët kinezë që fituan medaljet e arta në Lojërat Olimpike. Ndërsa, meqenëse ai nuk mund të japë kontribut të tillë për nderin e atdheut, Jackie Chani zgjodhi një mënyrë tjetër të shprehë dashurinë e tij dhe kjo është filmi. "Nuk kam luajtur asnjë rol që turpëron popullin kinez." Jackie i tha këto shumë krenar.

Është ëndrra e gjithë aktorëve që të vënë gjurmën e vet në tokën e Bulevardit të yjeve (Star Boulevard) në Hollywood. Ndërsa, tani, si një aktori i suksesshëm që ka lënë jo vetëm gjumët e duarve, të këmbëve por madje edhe atë të hundës me karakteristika të veçanta të tij në këtë bulevard, Jackie nuk pati zhvillim të mbarë në Hollywood.

"Kam udhëtuar me avion për 16 orë për të takuar një regjizor të Hollywood-it. Atëhere, flisja shumë pak gjuhën angleze, vetëm mund të prezantohesha shkurt. Takimi zgjati më pak se 10 minuta, dhe pas kësaj, shpenzova një tjetër 16 orë në avion në rrugën e kthimit për në HongKong." Pa role të përshtatshme, asnjë regjizor të Hollywood-it i ofroi atij shanse për të luajtur në filmat e tyre.

Ndërsa, pasi ai u kthye në HongKong dhe pati suksese të mëdha në qarkun kinematografik aziatik me luajtjen e suksesshme në një seri filmash, Jackie u bë idhull i shumë regjizorëve dhe aktorëve të huaj. Ata ndoqën më interes të madh filmat e tij duke marrë mësim nga to, gjithashtu, e ftuan Jakcie të marrë pjesë në ceremoninë e dhënies së çmimeve kinematografike, madje shkruan edhe skenare posaçërisht për të. Fakte të tilla i kanë shtuar Jakcie besimin tej vetja: "Unë luaj sipas mënyrës sime. Nëse ata pranojnë stilin tim, atëherë unë bashkëpunoj me ta, në rast jo, atëherë nuk bashkëpunoj." Jackie mendon se për këtë, i ka shtuar vullnetin popullit kinez dhe e ka rimarrë respektin e humbur.

Tregime midis Jackie dhe birit të tij

Lidhur me birin e tij, Jackie pohoi se ai nuk është një baba i mirë sepse i ka shumë borxhe të birit të vet. " në të kaluarën, djali im nuk mund t'i tregonte askujt se Jackie Chan është babai i tij." Njëherë, kur Jacyee (emri i biri të tij) pa një afishe të filmit tim dhe me të treguar me gishtin e tij, asistenti im i mbylli gojën me duart dhe u larguan shumë shpejt."

I biri shpresonte që ndonjë ditë, i ati mund ta presë pas mbarimit të mësimit. Dhe më në fund, Jackie e pranoi kërkesën e të birit. Mirëpo, një ditë pasi priti për një kohë të gjatë tek porta e shkollës, nuk e pa të birin. Pse? Më në fund, ai kuptoi se i biri po ndiqte shkollën e mesme, por, ai po priste te shkolla fillore! Pra, kur Jakcie mbërriti në shkollën e duhur, e gjeti të bitin të priste i vetëm. Kjo ishte takimi i parë midis Jakcie dhe të birit pas një viti e gjysëm, mirëpo, pasi dëgjoi shfajsimet e babait, Jacyee thjesht hipi në veturë, pa thënë asnjë fjalë dhe nuk e thërriti babi. Duke vëzhguar panoramën jashtë dritares së veturës që kaluan shumë shpejt pranë tyre, Jacyee tha se "Po ndjek shkollën e mesme. Të gjithë shokët e mi kanë ikur, ndërsa, unë u premtova që babai im do të më presë pas shkollës!" Pasi dëgjoi këto fjalë, Jackie u turpërua shumë dhe nuk dinte se çfarë të thoshte.

"Jam shumë i rreptë ndaj tim biri ashtu siç mjeshtri i shkollës së operës tradicionale më trajtonte mua në të kaluarën." Mirëpo, në kujtimin e Jackie-it, ai e ka rrahur vetëm një herë të birin, kjo përse? "Kur im biri ishte vetëm 3,4 vjeç, ai ishte shumë i prapë dhe njëherë, kur ai më qëlloi më një pushkë plastike, unë e shtyta. Mirëpo, nuk parashikova se nga kjo shtyje, biri i vogël u rrotullua për shtatë-tetë herë dhe më në fund ra në tokë! Unë dhe bashkëshortja ime u shtangëm e u frikësuam shumë." Fill pas kësaj ngjarjeje, Jackie u betua të mos e rrahë më të birin.

Vitet e fundit, Jackie po përpiqet të bëhet një baba i denjë. Siç e dini, tani Jacyee është bërë një këngëtar kështu që, Jackie e ndihmon shpesh të birin nga kjo anë, si për shembull, në mbrëmjen artistike me rastin e festës së pranverës të këtij viti, Jackie dhe i biri së bashku dolën në skenën e kësaj mbrëmjeje. Lidhur me këtë, Jakcie nuk evitoi ndihmën e tij ndaj të birit "Unë e kam të qartë se tani ai nuk është aq i sukseshëm sa që mund të këndojë në këtë mbrëmje, por, nëse ai mund të këndojë në këtë skenë për arsye sepse unë jam babai i tij, atëhere unë dëshiroj të bëj kështu sepse ky është një shans i çmuar, së paku, mbi 900 milionë shikues televizivë mund ta shohin."

Ky është Jackie Chan, një njeri që po ecë në rrugën e nisur duke i çuar gjithmonë gëzim çdo kalimtari pranë atij dhe duke mbajtur shumë përgjegjësi mbi krahët e vet. (Çan Yean)