"Nuk jam tërheqës. Chow Yun-Fat nuk është më i pashëm. Jam i pakujdesshëm dhe më se i zakonshëm, ndërsa jam i mirëpritur nga njerëzit në sajë të roleve që kam interpretuar. Ata më mbajnë mend si Hui Man-Keung, Mark Gor. Këto role të mrekullueshme më kanë ndihmuar shumë. "

Në sajë të talentit dhe përpjekjeve të veta, Yun-Fat Chow është bërë një ndër yjet kinematografike, ndërsa ai ia detikon suksesin shansit.

Në të vërtetë, një yll kinematografik nuk mund të lindë nga fati. Nuk mund të kesh sukses pa derdhur djersë, këtë, Chow Yun-Fat e ka më të qart se të tjetrët. Më 18 maj të vitit 1955, Yun-Fat Chow lindi në një familje fshatare të ishullit Lamma, i cili ndodhet afër Portës Viktoria të Hong Kong-ut. Për shkak të familjes së varfër, ai e ndoqi shkollën njëkohësisht edhe duke punuar, dhe pasi mbaroi mësimet në shkollën e mesme, Yun-Fat Chou doli në punë. Ai ka punuar si postier, kamarier, shitës etj. dhe ka fituar një përvojë të pasur në punat e ndryshme gjatë asaj periudhe, e cila e ka ndihmuar shumë atë në jetën e tij artikstike në mënyrë që ai të luajë role të ndryshme në mënyrë sa më origjinale.

Në vitin 1973, kur ishte 19 vjeç, Yun-Fat Chow u pranua në një kurs të përgatitjes së aktorëve, të organizuar nga TVB, një stacion televiziv i Hong Kong-ut. Me rezultate të shkëlqyera, Chow u lidh me këtë stacion të njohur duke luajtur disa role në telenovela. Në fillim të viteve 80, Yun-Fat Chow luajti si personazhin kyresor, Hui Man-Keung, një padron të krimeve të veshur në të bardhë, në serinë televizive, Plazhi i Shangait (Shang Hai Tan), e cila e ndihmoi të fitonte famë dhe të arrinte në kulmin e karrierës së tij. Falë suksesit të madh të këtij filmi, njerëzit e thërrasnin atë me emrin e personazhit të filmit, Hui Man-Keung.

Në vitin 1985, Chow fitoi Çmimin e Kalit të Artë në Tajvan dhe një tjetër çmim të Aktorit më të mirë në Festivalin e Filmit të Azi-Paqësorit me filimin "Dang Dai Lai Ming". Këto suksese të tij tërhoqën vëmendjen e regjizorit të njohur, John Woo, i cili më vonë i ofroi një rol Yun-Fat Chow në filimin Ying Huang Boon Sik (A Better Tomorrow) në vitin 1986. Siç dihet nga të gjithë, ky film ka patur suksese të mëdha komerciale. Ndikimet e tij mbi të rinjtë aziatikë ishin krejt të ndryshme nga ato të Bruce Lee-it ose Jackie Chanit. Pothuajse të gjithë të rinjtë HongKongas blenë një pardesy të gjatë, të rëndë prej leshi, njësoj me atë që veshi Chow në filmin, megjithëse se nuk është veshje e përshtatshme për Hong Kong-un, e nxehtë dhe të lagësht.

Duke luajtur shumë role në filmat e regjizorit John Woo, Yun-Fat Chow ka fituar gjithnjë e më shumë adhurues nga të katër anët e botës.

Me filmin "Përralla e Vjeshtës"(An Autumn's Tale) të vitit 1987, si aktori më i mirë, ai fitoi çmimin e Kalit të Artë të Tajvanit. Në Festivalin e Filmit të Hong Kong-ut, me filmin "Qytet me Zjarr" (City on Fire), ai fitoi çmimin e aktorit më të mirë.

Të dashur miq, këtë artikull, e ndalim këtu, dhe në artikullin e javës së ardhshme do të vazhdojmë t'ju tregojmë më shumë për aktorin Yun-Fat Chow.  (Çan Yean)