pjesa e parë

Të dashur miq, javën e kaluar, ju kam folur për pjesën e parë të biografisë së Yun-Fat Chow. Tani, do ta tregojmë vazhdimin e pjesës së parë të biografisë së jetës së këtij aktori të shkëlqyer kinez.

Në vitin 1988, filmat e luajtur nga Yun-Fat Cow, "Tetë Gëzime" dhe "Dashnori më i mirë" kanë patur rezultate shumë të mira nga ana komerciale.

Një vit më vonë, ai ka luajtur në shumë filma të suksesshëm. Ndër ta, "Perëndia e Kumarxhinjve" (God of Gamblers), ishte një nga filmat më të suksesshëm të Yun-Fat Cow dhe me fitime më të mëdha nga të gjithë filmat që ai kishte luajtur. Dhe me filmin "Një tregim i Ah-Lonit", Chow u zgjodh për herën e tretë aktori më i mirë në Festivalin e Filmave të HongKong-ut. Në filmin "Vrasësi", Chow bashkëpunoi për herën e tretë me John Woo dhe ky film u bë një nga kryeveprat e këtij regjizori.

Nga viti 1990 deri në vitin 1995, Yun-Fat Chow nuk luajti në shumë filma për shkak se ai kërkonte gjithnjë e më shumë cilësinë e filmave. Megjithëse gjatë asaj kohe, Stephen Chow u bë aktori Nr.1 në tregun e atëhershëm kinematografik të HongKong-ut, çdo vit, Yun-Fat Chow luante në filma të suksesshëm, duke u ofruar spektatorëve kënaqësi të madhe, si përshembull, "Një tregim i tre vjedhësve"(vitin 1991), "Polic zbulues"(vitin 1992), "Shaolin Amerikan" dhe "Perëndia e kumarxhinjve II"(vitin 1994), "Hoteli i paqes "(vitin 1995). Bile të ardhurat nga filimi "Perëndi e kumarxhinjve II" i kaloi të ardhurat më të larta të filmave të Stephen Chow gjatë këtyre vjetëve.

Deri këtë kohë, Yun-Fat Chow kishte patur suksese të papara në fushën kinematografike kineze. Pra, ishte e pamundur për të patur më shumë progrese këtu. Pasi luajti në filmin "Hoteli i paqes", Chow vendosi të shkojë në Hollywood për të hapur një horizont të ri në jetën e tij artistike. Për të përballuar sfida të reja, për tre vjet, ai bënte përgatitje të nevojshme duke mësuar gjuhën angleze dhe familja e tij bile u zhvendos në Amerikë. Në vitin 1998, bashkë me aktoren amerikane Mira Sorvino, ai luajti në filmin "Vrasësi zëvendësues" (The replacement killer), filmi i parë i tij në Hollywood. Megjithëse Mira Sorvino është e rrallë ndër aktorët në Hollyhood që mund të flasin gjuhën kineze, bashkëpunimi i saj me Yun-Fat Chow nuk pati rezultatin e dëshiruar dhe figura kinematografike e Chow si vrasës nuk ndryshoi. Kështu që ky film nuk ngjalli ndonj jehonë të madhe. Filmi " I korruptuari" (Corruptor) në të cilin Chow luajti në vitin 1999 nuk pati shitje të mira, por, me këtë film, Chow filloi të njihet në Hollywood dhe u vlerësua si aktor më i lezetshëm në botë.

Ndoshta për këtë arsye, në të njëjtin vit, Yun-Fat Chow pati shansin të luajë në filmin me shpenzime të lartë në Hollywood "Anna and the King", duke bashkëpunuar me një ndër aktoret më të mirëpritura të Hollywood-it, Jodie Forster. Megjithëse ky film nuk pati ndonjë bojë të madhe, por prap njerëzit filluan ta konsideronin Chow si një yll të vërtetë të Hollywoodit.

Në vitin 2000, me ftesën e regjizorit HongKongas Ang Lee, Yun-Fat Chow luajti në filmin epik Kung Fu "Wo hu cang long"(Crouching Tiger, Hidden Dragon). Ky film u bë një ndër filmat e huaja me më shumë fitime në Hollywood dhe kandidat për dhjetë çmime të Oskar-it, dhe më në fund fitoi katër statuja. Me këtë film, Chow tërhoqi përsëri vëmendjen e publikut, duke dalë nga hija e disfatave të atyre tre vjetëve. Dhe deri tani, Yun-Fat Chow ende është një ndër yjet më të shkëlqyer kinematografikë dhe ne po presim që figura e tij të paraqitet në sa më shumë filma.

(Çan Yean)