Kryetari i Komitetit Paralimpik Ndërkombëtar Filip Kraven i vlerësoi kështu instalimet dhe pallatet e stadiumet e Paralimpiadës:

"Ato i kanë arritur plotësisht standardet e Komitetit Paralimpik Ndërkombëtar dhe në disa hallka madje i kanë kaluar kërkesat tona. Po të bisedosh me sportistët në fshatin paralimpik, ose t'i vëzhgosh ata, sheh se ata kanë mbetur shumë të kënaqur me instalimet pa pengesë, me ushqimet dhe transportin."

U mbyll Paralimpiada e Pekinit, por ndikimet e saj do të mbeten gjatë. Kryetari i Komitetit Paralimpik Ndërkombëtar Filip Kraven është i mendimit se organizimi i suksesshëm i Paralimpiadës së vitit 2008 do t'i lërë Pekinit, madje gjithë Kinës, shumë trashëgimi të çmueshme:

"Në radhë të parë Paralimpiada e Pekinit la një kontingjent të madh pallatesh sportive dhe qendrash të posaçme për rehabilitimin e sportistëve me aftësi të kufizuara fizike; së dyti, Paralimpiada e Pekinit do të nxitë maksimalisht ndërtimin e instalimeve pa pengesë në Pekin, e madje në qytetet e mbarë Kinës, me qëllim që t'u krijohen lehtësi njerëzve me aftësi të kufizuara fizike."

Sipas të dhënave statistikore, qysh nga viti 2001 Pekini kreu mbi 14 mijë vepra rikonstruktimi për kalimin pa pengesë, sasia e përgjithshme e ndërtimit të instalimeve pa pengesë arriti sasinë e përgjithshme të 20 vjetëve të kaluar. Nënkryetari ekzekutiv i Komitetit Organizativ të Olimpiadës së Pekinit Tang Xiaochuan tha se përmirësimi i instalimeve pa pengesë në Pekin i ka ndihmuar njerëzit me aftësi të kufizuar të provojnë ndjenjën: "Pa u ngjitur në Murin e Madh Kinez nuk quhesh burrë."