Nën vështrimin e mbi 90 mijë shikuesve të gjithë stadiumit, vajza e shurdhër 10-vjeçare Wang Yimei vështronte pishtarin kryesor dhe me gjuhën ndërkombëtare të shenjave bëri një dialog me të: "Zjarr i shenjtë, a më sheh? Ti digjesh në zemrën time! Zjarr i shenjtë, a më dëgjon? Unë po këndoj për ty!" Pishtari kryesor me flakën e madhe sikur e kuptoi gjuhën e shenjave të Wang Yimeit, sikur kuptoi se edhe zjarri i shenjtë i Paralimpiadës vazhdonte të digjej në zemrën e të gjithë sportistëve me aftësi të kufizuara fizike, dhe ai shuante dalëngadalë flakën e tij. Këtu u kurorëzua me sukses Paralimpiada e Pekinit!

Gjatë 11 ditëve, mbi 4 mijë sportistë të ardhur nga pjesë të ndryshme të botës morën pjesë në ndeshjet e garat e 20 disiplinave sportive dhe morën 471 medalje të arta. Me veprimet e tyre konkrete ata mishëruan qartë konceptin: "Kapërcim, bashkim dhe gëzim i përbashkët".

Në Lojërat Paralimpike të Pekinit shumë e shumë sportistë e sportiste shënuan rekorde të ndryshme: Qitësja sllovake në karrocë Veronika Vadoviçova mori medaljen e parë të artë të kësaj Paralimpiade në garën e qitjes me pushkë me ajër 10 metra R2 për femra SH 1 (me gjymtyrë të poshtme të sakatuara)?peshëngritësi laosian Simay Eay në garën e grupit B 48 kilogramë për meshkuj mori medaljen e bronztë, që është medalja e parë e Laosit në historinë paralimpike? Ndoshta motoja e xhudistit të verbër japonez Satosh Fujimoto mund të shpjegojë vështirësinë e fitimit të këtyre medaljeve: "Duhet të bëj përpjekje të trefishta."