Sipas njoftimit të Radios së Jashtme të Kinës, më 22 gusht, ditën e 9-të të Lojërave Olimpike të Athinës, u fituan 27 medalje të arta. Olimpistët kinezë bënë lojëra të mira dhe fituan edhe 4 medalje të tjera të arta.

Përveç 2 medaljeve të arta në qitje dhe në pingpong, olimpistët kinezë fituan edhe 2 medalje të tjera të arta në ushtrimet mbi kalë dhe në tenis. Në garën finale të tenisit në çift për femra, lojëtaret kineze Li Ting dhe Sun Tien Tien fituan me rezultatin 2:0 kundrejt tenisteve spanjolle Konchita Martinez dhe Virgjinia Paskual. Në garën e ushtrimeve mbi kalë si individ për meshkuj, 19 vjeçari kinez Teng Hai Bin fitoi medaljen e artë me rezultatin 9,837 pikë.

Pas përfundimit të ndeshjeve më 22 gusht, delegacioni sportiv kinez u radhit në vendin e parë të tabelës së medaljeve me 22 të arta, 14 të argjenda dhe 10 të bronxta. Olimpistët amerikanë radhiten në vendin e dytë dhe japonezët në vendin e tretë. (U Sen)