Është ndezur zjarri i Lojërave Olimpike të Pekinit, dolën lista e sportistëve pjesëmarrës të vendeve të ndryshme të botës dhe programi i disiplinave. Duke parë këtë lista, mund të zbulojmë disa "numra një" në këtë edicion të Lojërave Olimpike.

Më i gjati (2.26 metra): Qendra e basketbollit për meshkuj të Kinës Yao Ming është 2 metra e 26 cm i gjatë. Ai ka qenë flamurtari i delegacionit kinez në dy Lojëra Olimpike, është shtylla e delegacionit kinez dhe sportisti më i gjatë në këtë Olimpiadë. Gjatë zgjedhjes së flamurtarit, delegacioni kinez mori parasysh 3 kushte: nivelin e lartë sportiv, moralin e mirë sportiv dhe figurën e mirë në gjirin e publikut. Zv.kryetari i delegacionit kinez Cui Dalin tha: "Yao Ming është një sportist shumë i shquar, si nga niveli i teknikës së basketbollit, nga morali sportiv, ashtu edhe nga figura publike, ai është shumë i shkëlqyeshëm dhe mund të jetë plotësisht përfaqësues i imazhit të Kinës.Prandaj ne e zgjodhëm edhe një herë atë si flamurtar."

Sigurisht, ai që mund të zgjidhet si flamurtar nuk është vetëm Yao Ming. Edhe atleti i njohur kinez, shënuesi i rekordit botëror në vrapimin 110 metra me pengesa për meshkuj Liu Xiang ka qenë një nga kandidatët për flamurtar. Yao Ming, që u zgjodh përsëri flamurtari i delegacionit kinez, u tregua shumë i qetë. Ai tha se ndjeu krenari që mundi të bëhej flamurtar në fushën e sportit të vendit organizator, kjo ndjenjë sigurisht është ndryshe nga ajo që kishte në Athinë, por përsëri ai ndihet i qetë. Yao Ming është i adhuruari i shumë të rinjve kinezë basketbolldashës. Ata u shprehën në internet se e duan Yao Ming-un jo vetëm për arsye se luan në kampionatin amerikan të basketbollit NBA, por edhe për forcën e tij të veçantë tërheqëse që bëri për vete shumë amerikanë, si edhe sepse ky yll sportiv ka ruajtur shumë cilësi të mira morale, dhe është me njohuri të gjera e plot humor.

Më e shkurtra (1.37 metra): Sportistja e vogël nga provinca Anhui e Kinës Teng Linlin është vetëm 1 metra e 37 e gjatë, bashkë me australianen  Melissa.Wu  futet në radhën e sportisteve më të shkurtra. Ndoshta për arsye të trupit të shkurtër, Teng Linlini është edhe një nga sportistet me peshë më të vogël, vetëm 31 kg. Më 13 gusht, në garat e gjimnastikës si ekip për femra të Lojërave Olimpike të Pekinit, të organizuara në pallatin kombëtar të sportit, ekipi kinez me rezultatin 188.900 pikë fitoi titullin kampion. Ky është titulli i parë kampion i fituar nga ekipi kinez i gjimnastikës për femra në Lojërat Olimpike. Teng Linlini u zgjodh e fundit në këtë ekip, por si anëtare e këtij ekipi, ajo dha kontribut të madh në gjimnastikën e lirë, në kapërcim kaluçi dhe në ushtrimet në trarin e ekuilibrit. Ajo justifikoi shpresat e trajneres dhe u paraqit shkëlqyeshëm në këto gara gjimnastikore, duke i dhënë kontribut ekipit kinez të gjimnastikës për femra në marrjen e medaljes së artë. Gjatë intervistës, Teng Linlin tha se ajo duhet të falënderojë trajneren dhe prindërit për ndihmën e përkrahjen e madhe që i kanë dhënë. Duke iu përgjigjur pyetjes se ç'i pëlqen më shumë, përgjigjja e saj është "e papritur": të flejë gjumë dhe ndjekja e programeve televizive. Teng Linlini simpatike tha gjithashtu se asaj i pëlqejnë më shumë filmat vizatimorë dhe ata humoristikë. Në fund, ajo i tha me vendosmëri gazetarit: "Në të ardhmen, do të dal patjetër kampione si individ."

Sportistja me peshë më të vogël (28 kg): Pesha e sportistes kineze të hedhjes në ujë Wang Xin është vetëm 28 kg. Në garat finale të hedhjes në ujë të sinkronizuar nga platforma për femra të organizuar më 12 gusht, ajo dhe Chen Ruolin garuan për herë të parë në Lojërat Olimpike. Megjithatë, ato fituan medaljen e artë me epërsi të madhe. Wang Xin-i tha se "kjo është hera e parë që marr pjesë në Lojërat Olimpike. Gjatë stërvitjes, trajnerja na tha që të jemi të shpenguara. Në fakt ne na duhej të ishim të qeta, të vepronim lirisht." Më 11 gusht Wan Xin-i kishte ditëlindjen. Ajo i tha gazetarit: "Është një kënaqësi e madhe që mora një medalje të artë olimpike në ditën e dytë pas ditëlindjes. Shpresoj që fati i mirë do të më shoqërojë gjithmonë. Kjo medalje e artë është dhurata më e mirë për ditëlindjen time."

Pesha më e madhe (181 kg): Ai që shënoi rekordin e peshës më të madhe është  Ricardo Plas i ri  nga Guami. Pesha e tij arrin në 181 kg. Për fat të keq, ai nuk shfrytëzoi si duhet epërsinë e madhe në peshë dhe në xhudon mbi 100 kg për meshkuj ai u mund nga një xhudist gjeorgjian.

Sportisti me moshë më të madhe është një hipist japonez  Hivoshi Hoketsu , që ka lindur më 28 mars të vitit 1941, ai është 67 vjeç.

Sportistja më e vogël është notarja nga Kameruni  Antoinette Joyce Guedia Movafo , e lindur më 21 tetor të vitit 1995. Ajo nuk ka mbushur as 13 vjeçe. ( Zhai) (Artan)