Si e vetmja femër ndër 4 sportistët e delegacionit irakian, Dana Husain mori pjesë në garat e vrapimit 100 dhe 200 metra. Kjo vajzë e bukur e lindur në vitin 1986 hasi vështirësi të ndryshme për pjesëmarrjen në Lojërat Olimpike të Pekinit, si për shembull iu desh të blinte me paratë e veta kostumet sportive, të qepte vetë flamurin kombëtar të Irakut në kostumet e reja sportive etj. Por Dana tha: "Kur kam vullnet, mund të bëj më shumë për vendin tim." Kostumet dhe këpucët e saj të vjetruara tërhoqën vëmendjen e madhe të përdoruesve të internetit. Ajo u vlerësua nga revista e përjavshme amerikane "Time" si "një nga 100 sportistët që tërhoqën vëmendjen më të madhe të njerëzve" në Olimpiadën e Pekinit.

Pingpongistja më e veçantë me një dorë

Ajo nuk e ka dorën e djathtë, raketën e pingpongut e mban me dorën e majtë, topin e mban në nyjën e krahut të djathtë, kështu ajo mund ta hedhë lart dhe ta godasë me saktësi të madhe topin. Gjatë ndeshjeve ajo fshinte djersën në fytyrë me dorën e majtë dhe jashtë ndeshjes rregullonte çantën gjithashtu me dorën e majtë. Ajo është pingpogistja 19-vjeçare polake me aftësi të kufizuar fizike Natalia Patka.

Më 13 gusht 2008, në ndeshjen e pingpongut midis ekipit polak dhe atij hongkongas, ajo mori pjesë për herë të parë në lojërat olimpike të sportistëve normalë si përfaqësuese e Polonisë. Si kampione e pingpongut e Lojërave Paralimpike të Athinës në vitin 2004, ëndrra e saj për Olimpiadën e Pekinit ishte pjesëmarrja në një olimpiadë të pingpongistëve normalë.

Sportisti më i regjur

Më 14 gusht në mbrëmje u zhvillua gara e dresazhit e hipizmit për Lojërat Olimpike në hipodromin Shatian të Hong-Kongut, ku mori pjesë sportisti më i moshuar i këtij edicioni, 67-vjeçari japonez Hiroshi Hoketsu.

Pjesëmarrja e parë olimpike e Hiroshi Hoketsu-t është në Lojërat Olimpike të Tokios në vitin 1964. Pas 44 vjetëve, ky sportist tashmë 67-vjeçar u rikthye në olimpiadë. Atëherë a mund të marrë pjesë përsëri ai në Lojërat Olimpike të Londrës hipur në kalë pas 4 vjetëve? Hiroshi Hoketsu tha: "Po të jem mirë me shëndet, nuk do të heq dorë."

"Mbretëresha më këmbëngulëse e kërcimit së larti me shkop" Yelena Isinbayeva

Në garën e kërcimit së larti me shkop Isinbayeva jo vetëm mori me epërsi të madhe medaljen e artë, por edhe e theu 24 herë rekordin botëror. Lartësia 5.05 metra është një kufi. Por kjo mbretëreshë e kërcimit së larti me shkop mendon ndryshe: "Vetëm qielli është kufiri im. Mund të kërcej më lart, nuk ka gjë të pamundur." "Do ta thyej rekordin botëror për herë të 36-të, do të kërcej deri në moshën 30 vjeçe dhe do të marr pjesë në lojërat olimpike të vitit 2012." Titulli kampion nuk shkakton më interesin e Isinbayevas, vetëm vendosja e rekordit të ri e frymëzon atë. P. sh. në garën e këtij edicioni, pasi kapërceu lartësinë 4.95 metra, ajo kërkoi direkt lartësinë 5.05 metra.

Rekordi i ri më i pakujdesshëm

Në garën e vrapimit 100 metra të Olimpiadës së Pekinit, atleti xhamajkan Usain Bolt theu rekordin botëror dhe fitoi titullin kampion me rezultatin 9.69 sekonda. Rekordin e vjetër e kishte vendosur po ai në qershor të këtij viti me rezultatin 9.72 sekonda.

Pas fitimit të medaljes së artë Bolti u shpreh: "Objektivi im është titulli kampion olimpik, nuk mendoj shumë për rekordin botëror, nuk është gjë e madhe për mua thyerja apo mosthyerja e rekordit botëror."

Në një koment shprehet mendimi se Bolti nuk i vuri në veprim të gjitha forcat e tij, në gjysmën e dytë të vrapimit 100 metra ai ngadalësoi këmbët, përndryshe do të ishte plotësisht në gjendje të arrinte rezultat më të mirë.

Përkimi më fatkeq

Qitësi i njohur amerikan i pushkës Mattew Emons ka arritur shumë rezultate të mira. Por në Lojërat Olimpike të Athinës të vitit 2004 në qitjen e fundit ai nuk e qëlloi tabelën dhe si pasojë medaljen ia dhuroi qitësit kinez Jia Zhanbo. Në Lojërat Olimpike të Pekinit fakti që i mahniti të gjithë ishte se, kur kishte marrë më shumë pikë se të tjerët, në qitjen e fundit ai mori vetëm 4.4 pikë, duke ia dhuruar medaljen e artë qitësit tjetër kinez Qiu Jian.

Por Emons-i, që ka humbur garën, fitoi dashurinë jashtë garës. Pas gabimit në qitjen e fundit në vitin 2004, qitësja e njohur çeke Katrina i shprehu simpatinë dhe më vonë ata u martuan, duke u bërë një çift i njohur në qarqet ndërkombëtare të qitjes. (Pina) (Artan)