Më 24 gusht në mbrëmje sipas orës së Pekinit, kjo këngë jehoi përsëri në stadiumin kombëtar "Foleja e zogut", Lojërat e 29-ta Olimpike, që zgjatën 16 ditë, u mbyllën.

Gjatë 16 ditëve, sportistët nga 204 vende e rajone të botës, me rezultate të shkëlqyera mishëruan frymën olimpike "Më shpejt, më lart, më fort", me veprime konkrete shtjelluan thelbin e Lojërave Olimpike "Pjesëmarrja është më e rëndësishme se fitorja", realizuan synimet e Lojërave Olimpike të Pekinit "E njëjta botë, e njëjta ëndërr"

Entuziazmi i Lojërave Olimpike të Pekinit arriti në kulm. Njerëzit me një ceremoni madhështore mbylljeje kujtuan së bashku këto 16 ditë të paharrueshme.

Kryetari i Komitetit Organizativ Olimpik të Pekinit Liu Qi mbajti fjalën e rastit në ceremoninë e mbylljes.

Ndërsa në fjalën e vet të rastit në ceremoninë e mbylljes, kryetari i Komitetit Olimpik Ndërkombëtar Jacques Rogge vlerësoi lart rezultatet e arritura në Lojërat Olimpike të Pekinit.

Kryebashkiaku i qytetit të Pekinit Guo Jinlong i dorëzoi flamurin olimpik kryetarit të Komitetit Olimpik Ndërkombëtar Rogge, ndërsa zoti Rogge ia dorëzoi këtë flamur kryebashkiakut të Londrës, qytet organizues i Lojërave të ardhshme Olimpike, Boris Johnson. Kjo shënoi se Londra mori zyrtarisht stafetën olimpike.

Në sytë e dhjetëra mijë shikuesve, pishtari "Retë fatbardha", që qëndroi i ndezur për 16 ditë, u shua ngadalë. Lojërat Olimpike të Pekinit u mbyllën me sukses.

Ju flet Radio e Jashtme e Kinës, të dashur dëgjues, tani po vazhdojmë njoftimet e posaçme të Radios së Jashtme të Kinës.

"Më shpejt, më lart, më fort" janë fryma olimpike. Gjatë 16 ditëve të kaluara, në Lojërat Olimpike të Pekinit u dhanë gjithsej 302 medalje të arta, duke shënuar shumë rekorde të reja botërore dhe olimpike. Njeriu po kapërcen vazhdimisht kufijtë e vet!

Më 13 gusht pasdite, peshëngritësja kineze Liu Chunhong fitoi medaljen e artë në garën e peshës 69 kg për femra të Lojërave Olimpike dhe shënoi 5 herë me radhë rekord të ri botëror.

"Në Lojërat Olimpike të Athinës në vitin 2004, nuk ngrita herën e fundit, prandaj, kësaj here, duke ngritur herën e fundit, isha shumë e emocionuar, më vinte për të qarë, sepse nuk shkuan kot përpjekjet e këtyre viteve të fundit. "

Në Lojërat Olimpike të Pekinit, shumë sportistë shënuan rekorde të ndryshme. Qitësja çeke Katerina Emmons në qitje me pushkë me ajër 10 metra për femra theu rekordin olimpik dhe fitoi medaljen e parë të këtyre Lojërave Olimpike.

Tani do t'ju flasim për paraqitjen e përgjithshme të delegacionit shqiptar në Lojërat Olimpike.

"Një medalje e artë të shoqëron për gjithë jetën, je fitues i medaljes së artë të Lojërave Olimpike gjithë jetën. Unë ditëlindjen e kam çdo vit, Krishlindjet i festoj përvit. Por për t'u bërë fitues i medaljes së artë të Lojërave Olimpike duhej të prisja disa vjet."

Kjo është përshtypja e notarit amerikan Michael Phelps për pjesëmarrjen e tij në Lojërat Olimpike. Në këtë edicion, ai fitoi 8 medalje të arta dhe u bë sportisti fitues i numrit më të madh të medaljeve të arta në një edicion në historinë e Lojërave Olimpike, emri i tij do të lidhet përgjithmonë me Lojërat Olimpike të Pekinit.... B4...

"Kur fitova me të vërtetë, mora vesh se shënova rekord të ri botëror. Jam i kënaqur shumë që do të shkruhet emri im në listën e kampionëve të Lojërave Olimpike".

Ky është zëri i atletit nga Xhamajka Usain Bolt. Më 16 gusht, Bolti shënoi rekordin e ri botëror në vrapimin 100 metra për meshkuj me rezultatin 9.69 sekonda. Ky rezultat mbresëlënës gjithashtu do të lidhet përgjithmonë me Lojërat Olimpike të Pekinit.

Ju flet Radio e Jashtme e Kinës, tani po vazhdojmë njoftimet e Radios së Jashtme të Kinës mbi ceremoninë e mbylljes së Lojërave Olimpike të Pekinit....B5...

Më se dhjetë mijë sportistë, vetëm 302 medalje të arta, pra fitues të medaljeve të arta në Lojërat Olimpike janë në fund të fundit një numër i vogël. Kurse sportistët e vendeve të ndryshme morën pjesë dhe bënë përpjekje duke mishëruar me veprime konkrete konceptin tjetër olimpik "Pjesëmarrja është më e rëndësishme se fitorja". Ata janë gjithashtu heronj të Lojërave Olimpike.

"Irak! Irak! Irak!"

Kur 7 sportistë të delegacionit olimpik irakian arritën në momentin e fundit në Pekin për të marrë pjesë në Lojërat Olimpike, ata u përshëndetën nxehtësisht nga njerëzit.

Funksionari bashkerendues i Lojërave Olimpike të Irakut Sarhad Fatah tha.

"Gazetarët kinezë dhe të huaj, madje edhe njerëzit e mbarë botës, i kushtojnë një vëmëndje të madhe delegacionit irakian. Megjithëse Iraku ndodhet në një gjendje të vështirë, sportistët kapërcyen vështirësitë dhe pengesat e shumta, disa prej tyre u kanë rezistuar kërcënimeve me vdekje dhe aksidentëve. Ata ngulën këmbë në stërvitje dhe morën pjesë në emër të atdheut në këto lojëra. Irakianët krenohen me ta, edhe të huajt i vlerësojnë lart ata. "

Rubina Muqimyar është e vetmja femër në delegacionin e Afganistanit. Sipas saj, pjesëmarrja në Lojërat Olimpike të Pekinit është realizimi i objektivit të saj.

"Jam e bindur se do të korr sukses në këto Lojëra Olimpike. Pjesëmarrja në Lojërat Olimpike të Pekinit është objektivi më i madh në jetën time. Pavarësisht si do të jetë e ardhmja, sot u realizua dëshira ime."

Hale Wendy është një nga 3 sportistët e Ishujve Solomon. Ajo mori pjesë në garën e peshëngritjes 58 kg për femra, ku u rendit e fundit. Por asaj nuk i erdhi keq.

"Jam krenare që pata mundësi të vija në Pekin dhe pata rastin të marr pjesë në Lojërat Olimpike. Kjo është pjesëmarrja ime e parë në olimpiadë. Jam krenare që jam e vetmja peshëngritëse e Ishujve Solomon. "

Ajo që na prek me shumë është se në këto Lojëra Olimpike morën pjesë edhe disa sportistë posaçërisht të fortë.

Më 12 gusht, kur notari amerikan që vuan nga kanceri Eric Shanteau u duk në qendrën kombëtare të notit "Kubi i ujit", shumë sportdashës brohoritën për të.

Më 13 gusht, në ndeshjet e raundit të parë të pingpongut si ekip për femra, një vajzë që nuk kishte krahun e djathtë mori pjesë në emër të Polonisë. Ajo është pikërisht kampionia e pingpongut si individ për femra në Lojërat Paralimpike të Athinës Natalia Bartyka. Përveç saj, është edhe notarja e Afrikës së Jugut Naralie du Toit, që i mungon pjesa e poshtme e këmbës së majtë. Bartyka shpreson që përvoja e tyre do t'u sjellë njerëzve me aftësi të kufizuar fizike më shumë besim.

"Nëse veprimi ynë do të nxitë me shumë njerëz me aftësi të kufizuar fizike të marrin pjesë në sport, kjo do të jetë një gjë shumë e mirë."

Ju flet Radio e Jashtme e Kinës, po vazhdojmë njoftimet e posaçme të RJK-së mbi ceremoninë e mbylljes së Lojërave Olimpike të Pekinit.

Në kohën kur sportistët bëjnë përpjekje në ndeshje e gara, objektivi i përgjithshëm i Komitetit Organizativ të Lojërave Olimpike të Pekinit "Të organizojmë një olimpiadë karakteristike dhe me nivel të lartë" u realizua , janë mishëruar plotësisht edhe 3 konceptet: "Olimpiadë e gjelbër, tekniko-shkencore dhe humanitare".

"Ne mund të themi se garat e ndeshjet janë zhvilluar mbarë dhe pamë se stadiumet e pallatet sportive janë shumë të bukura, garat e ndeshjet janë të mrekullueshme. Edhe marrëdhëniet midis funksionarëve vendës dhe ndërkombëtarë kanë qenë të mira, deri tani jemi të kënaqur për gjithçka"  Kështu tha drejtori ekzekutiv i të Komitetit Olimpik Ndërkombëtar Gilbert Felli.

Sipas shpjegimeve të Komitetit Organizativ Olimpik të Pekinit, karakteristikat e këtyre lojërave mishërohen në 4 drejtime: stili kinez, ngjyra humanitare, pamja bashkëkohore dhe pjesëmarrja masive.

Kurse "niveli i lartë" i Olimpiadës shfaqet kryesisht në infrastrukurën e stadiumeve e pallateve sportive dhe punën organizative, në ceremoninë e hapjes, si dhe aktivitetet kulturore, në shërbimet e mediave dhe vlerësimet e opinionit publik, në punën e sigurisë, në shërbimet e vullnetarëve etj. Gjatë 16 ditëve të kaluara, sportistët, funksionarët e turistët e vendeve të ndryshme ndien nga afër nivelin e lartë të këtyre Lojërave Olimpike.

Zëdhënësja e Komitetit Olimpik Ndërkombëtar, znj. Giselle Davies, tha :

"Të gjitha punët organizative janë realizuar shumë mirë, duke përfshirë edhe pritjen e një numri të madh liderësh e sportdashësish. Jemi shumë të kënaqur për këtë."

Kryetari i Komitetit ndërmjetësues të Lojërave Olimpike të Pekinit të Komitetit Olimpik Ndërkombëtar, z. Hein Vetbruggen, vlerësoi lart shërbimet ndaj mediave të Lojërave Olimpike.

"Qendra informative nuk është vetëm vend pune i gazetarëve, po është edhe familja e tyre e dytë. Ne i falënderojmë organizatorët që u dhanë gazetarëve gjithçka që u nevojitet dhe e bënë këtu një familje të mediave botërore gjatë disa javëve".

Ju flet Radio e Jashtme e Kinës, të dashur dëgjues, po vazhdojmë njoftimet e RJK-së mbi ceremoninë e mbylljes së Lojërave Olimpike të Pekinit.

Qysh prej fitimit të së drejtës për organizimin e olimpiadës në vitin 2001, Pekini ka investuar 140 miliardë juanë për mbrojtjen e mjedisit. Tani janë realizuar të gjitha premtimet e Pekinit gjatë paraqitjes së kërkesës për organizimin e olimpiadës.

Gjithashtu një numër i madh programesh tekniko-shkencore janë zbatuar. Gjatë përgatitjes së Lojërave Olimpike, shkenca e teknologjia dhe mendimi shkencor janë shkrirë thellë në të gjitha hollësirat e këtyre Lojërave.

Para 7 vjetësh, Komiteti Olimpik Ndërkombëtar dha këtë vlerësim për Pekinin: Organizimi i Lojërave Olimpike të Pekinit do t'u japë Kinës dhe sportit botëror një trashëgimi të vetme. Sot, pas 7 vjetëve, në mbylljen e Lojërave Olimpike, Pekini vërtetoi me veprime konkrete: Në lojrat Olimpike të Pekinit pati një fitore të trefishtë? nga Kina? bota dhe olimpiada?

Kryetari i Komitetit Olimpik të Anglisë Kolin Moynihan tha:

"Pas Lojërave Olimpike të Pekinit, infrastruktura me cilësi të lartë do të vazhdojë t'i shërbejë popullit. Entuziazmi i kinezëve për sportin dhe olimpadën vazhdon të shtohet. Jam i bindur se në Kinë, përmbajtja shpirtërore është e pasur."

Tani më se 400 milionë të rinj kinezë janë përfshirë në studimin e lëndëve mësimore olimpike

Anëtarja e nderit e Komitetit Olimpik Ndërkombëtar, venezueliania 87-vjeçare Flor Isava-Fonseca shprehu mendimin:

"Ky është një rast absolutisht i mirë për Kinën, njerëzit mund të shikojnë se si ndryshon jeta shoqërore e Kinës, Kina hapi dyert për 204 vende e rajone të botës. Kinezë, evropianë, afrikanë, amerikanë u mblodhën së bashku dhe u bënë vëllezër e miq. Kjo është në dobi të rritjes së të rinjve kinezë. Kjo është trashëgimia më e rëndësishme e dhënë nga Olimpiada Kinës."

Për vetë frymën olimpike, Lojërat Olimpike të Pekinit kanë rëndësi të jashtëzakonshme. Stafeta e pishtarit të Lojërave Olimpike të Pekinit është stafeta me kohën më të gjatë, me sferën më të gjerë e me më shumë pjesëmarrës në historinë olimpike. Pjesëmarrja e më se 10 mijë sportistëve dhe e 204 vendeve e rajoneve shënoi rekord në historinë e olimpiadave. Edhe numri i gazetarëve që njoftuan në kohë zhvillimin e olimpiadës, 20 mijë, shënoi rekord. Po ashtu, 4 miliardë shikues ndoqën transmetimet televizive të Lojërave Olimpike, duke shënuar rekordin e numrit të shikuesve.... Të gjitha këto e kanë shtuar shumë ndikimin e olimpiadës.

16 ditë takimi në Lojërat Olimpike të Pekinit janë të shkurtra, por miqësia e lidhur gjatë këtyre 16 ditëve është e gjatë dhe e pashtershme: Pavarësisht nga vendi a rajoni, ne jemi gjithmonë anëtarë të një familjeje.

Sot, në mbrëmje, ne kënaqemi dhe gëzohemi me gjithë shpirt. Ne i dhamë njëri-tjetrit mesazhin që, "për të njëjtën botën dhe për të njëjtën ëndërr", le të takohemi në Londër,në vitin 2012, në olimpiadë. Mirupafshim pas 4 vjetësh!

?Zhai? ?Artan?