Më 22 gusht në mbrëmje, gjatë garës finale të vrapimit 4 x 100 m stafetë që u zhvillua në stadiumin kombëtar "Foleja e zogut", ekipi i Xhamajkës fitoi medaljen e artë me rezultatin 37.10 sekonda, duke thyer rekordin botëror.

Pas garës, atleti xhamajkan Asafa Pavell u shpreh se synimi i tyre i ardhshëm në këtë garë do të jetë rezultati 37 sekonda.

"Jam ndier shumë mirë. Sot unë mora pjesë në garën e stafetës për ta ndihmuar Usain Boltin të fitonte medaljen e artë dhe të thyente 3 rekorde botërore. Unë shpresoj se do të arrijmë në 37 sekonda në këtë garë. Ne e kemi absolutisht këtë potencial. Shihemi herën tjetër."

Vrapuesit xhamajkanë të distancave të shkurtra janë paraqitur shumë mirë në Lojërat Olimpike të Pekinit. Para kësaj, ata fituan 4 medalje të arta në vrapimin 100 dhe atë 200 metra për meshkuj dhe femra. Usain Bolti theu dy rekorde botërore në vrapimin 100 dhe 200 metra. (Du) (Artan)