dëgjoni

Më 19 gusht përfunduan plotësisht të gjitha garat gjimnastikore të Lojërave Olimpike të Pekinit. Ekipi kinez i gjimnastikës fitoi 9 medalje të arta prej 14 medaljeve të arta të kësaj disipline sportive, duke u bërë me të vërtetë "Ekipi ëndërr". Pas përfundimit të garave, drejtori i Qendrës së Administrimit të Sportit të Gjimnastikës pranë Drejtorisë së Përgjithshme Shtetërore të Sportit të Kinës Gao Jian u shpreh se garat gjimnastikore në këtë Olimpiadë të Pekinit jo vetëm e kanë bërë ekipin kinez të gjimnastikës të largohet nga hija e humbjes në Athinë, por i kanë lënë zhvillimit të sportit të gjimnastikës shumë gara klasike.

Në intervistën me korrespondentin tonë, Gao Jian tha se niveli i garave të gjimnastikës në Olimpiadën e Pekinit është i paparë në histori, shumë prej këtyre garave mund të quhen klasike në historinë e gjimnastikës. Kyçi i fitoreve të gjimnastëve kinezë në këto konkurrime të ashpra qëndron në përqindjen e lartë të suksesit dhe në gjendjen e mirë shpirtërore.

Gao Jian tha: "Garat ishin shumë shumë të bukura dhe rivaliteti ishte shumë shumë i ashpër. Disa gara ishin klasike, të cilat ndoshta nuk do të shihen në shumë vjet të ardhshëm, si për shembull garat ekipore për meshkuj. Në garat finale ekipore për femra, ekipi kinez dhe ekipi amerikan ishin shumë të forta, ato po konkurronin për përqindjen e suksesit, ose për gjendjen shpirtërore. Më në fund ekipi amerikan bëri dy herë gabime, kurse ne gabuam vetëm një herë, kështu ekipi kinez i gjimnastikës për femra që u formua në vitin 1953, fitoi në Pekin titullin kampion që e ka pritur për 55 vjet. Ky ishte një sukses shumë i çmueshëm."

Në Olimpiadën e Athinës në vitin 2004, ekipi kinez i gjimnastikës pësoi dështimin më të madh në histori. Gao Jian i tha korrespondentit se, pas Olimpiadës së Athinës, ekipi kinez i gjimnastikës ngriti një "mur të kritikës" para portës së pallatit të stërvitjeve, ku paraqiteshin kritikat e mediave të mëdha kineze për ekipin kinez, që t'i kenë të qarta mësimet në Athinë.

"Shokët e ekipit të gjimnastës i publikonin me guxim të gjitha kritikat e mediave në palestrat e tyre, i lexonin përditë deri te dita e fitores."

Në garat e kaluara ndërkombëtare gjimnastëve kinezë u mungonte përvoja e garave të mëdha. Në këtë Olimpiadë përqindja e gabimeve të gjimnastëve ishte pothuajse shumë e ulët, në të 8 llojet e garave për meshkuj u humb vetëm një medalje në kapërcimin e kaluçit, edhe gjimnastet kineze me paraqitjen e mirë morën medaljen e artë si ekip. Gao Jian tha se të gjitha sukseset ata i arritën pas shtimit viteve të fundit të pjesëmarrjeve në gara dhe nëpërmjet forcimit të aftësisë luftarake e ngritjes së cilësisë psikologjike.

Gao tha: "Kemi shtuar shumë pjesëmarrjet në gara, duke i kombinuar me stërvitjen. Arritja e këtyre rezultateve nuk ishte e rastit."

Gjimnasti më i vogël, 20-vjeçari Zou Kai, fitoi tri medalje të arta si ekip, si individ në ushtrimet e lira gjimnastikore dhe si individ në ushtrimet në hekur, duke u bërë gjimnasti me më shumë medalje të arta të fituara në Olimpiadën e Pekinit. Kurse para kësaj Olimpiade shumë gjimnastë nuk e njihnin fare këtë gjimnast të vogël kinez. Prandaj thoshin se Zou Kai ishte "një armë sekrete" e ekipit kinez të gjimnastikës. Për këtë Gao Jian tha:

"Ne jemi përgatitur gjithnjë për fitimin e kësaj medaljeje të artë në ushtrimet e lira, sot arritëm sukses. Edhe për ushtrimet në hekur kemi bërë shumë përgatitje për një kohë të gjatë. Suksesi nuk arrihet vetëm me një sulm."

Përveç Zou Kait, edhe gjimnasti Li Xiao Peng me sukseset e 16 titujve kampion botëror, e kaloi ish-mbretin e gjimnastikës Li Ning, duke u bërë numri një i gjimnastikës kineze. Edhe Yang Wei e realizoi ëndrrën e tij për të dalë fitues në të gjitha garat si individ në Lojërat Olimpike. Po ashtu dhe Xiao Qin mori titullin e kampionit si individ në kalin me dorëza. Gjithashtu, fituesja e e ushtrimeve në paralele të shkallëzuara He Kexin, njëlloj si Nastia Liukin dhe Oksanf Chusovintina, u ka lënë njerëzve mbresa të thella. Ndoshta siç thotë Gao Jian, Olimpiada e Pekinit i ka lënë gjimnastikës tepër gara klasike. (Drita-Daming)