Më 17 gusht, në garën e maratonës për femra të Lojërave Olimpike të Pekinit, atletja 38 vjeçare Costantina Tomescu dhe 35-vjeçarja Paula Radclife dhanë një shfaqje të bukur të "kalimit të vetvetes", duke treguar pikërisht frymën që nxjerr ky sport.

Mosha mbi 35 vjeç përbën sfidë për sportistet që marrin pjesë në lojërat olimpike, ndërsa për sportin e gjatë dhe të ashpër të maratonës mosha e madhe do të thotë kalimi i kufinjve truporë dhe psikologjikë të njeriut.

Duke filluar nga gjysma e garës së maratonës, rumunja Tomesku u bë "aktorja e vetme". Duke i lënë shumë larg të tjerat, ajo vrapoi drejt pikës së fundit dhe fitoi lehtë medaljen e artë. Në fakt lodhjet dhe mundimet prapa suksesit di vetëm Tomesku.

Dëmtimi dhe sëmundja e gjatë bënë që kjo atlete e vjetër për pak sa nuk doqi dorë nga ky sport. Por mbështetja e anëtarëve të familjes e sidomos të birit, i dha forcën e madhe që të vazhdojë vrapimin në pistën e njohur prej saj dhe më në fund ajo u ngjit në tribunën e dhënies së medaljeve. Pas garës atë e mor malli më shumë për djalin e saj 13 vjeç. Asaj i vjen keq që gjatë pjesëmarrjes në Lojërat Olimpike të Pekinit nuk mund të jetë me të birin:

"Para lojërave olimpike djali më tha: 'Nënë, jam i bindur se ti do të radhitesh në 3 vendet e para'. Ai më uroi sukses. Për shkak të përgatitjes për lojërat olimpike ka një kohë të gjatë që nuk e kam parë. Ai është në Rumani, ndërsa unë isha në Amerikë. Nesër do të fillojë viti i ri shkollor, më vjen keq që nuk mund ta shoqëroj dot atë në shkollë."

Atletes së njohur angleze 35 vjrçare Paula Radklife, pretedentje kryesore për medaljen e artë në garën e maratonës të Lojërave Olimpike të Pekinit, para se të vinte në Pekin iu nxor befasisht diagnoza se kishte thyer kockën e kofshës. Por Radclifja e fortë nuk e dëgjoi këshillën e mjekut dhe erdhi në Pekin duke marrë me vete ëndrrën e saj të parealizuar 4 vjet më parë.

Pas gjysmës së garës, dëmtimi e pengoi shumë vrapimin e saj, dhe nga vuajtja ajo u ndal në vend. Kur të gjithë menduan se ajo do të hiqte dorë nga gara, ajo e vazhdoi atë deri në fund. Pas garës, kur e pyetën çfarë e inkurajoi që të këmbëngulte të vazhdonte, ajo u tha se i shkuan ndër mend fëmijët dhe të afërmit e saj.

Radclife-it i vjen keq për vendin e 23-të të zënë në Lojërat Olimpike të Pekinit, por ashtu si Tomesku ajo ka fituar titullin kampion në jetën e saj. (Pina)