dëgjoni

Gjatë përgatitjes dhe zhvillimit të Lojërave Olimpike, 100 mijë vullnetarë të stadiumeve e pallateve sportive, 400 mijë vullnetarë të qytetit, si dhe 1 milion vullnetarë të shoqërisë marrin pjesë në shërbimet e ndryshme. Prapa buzëqeshjes së këtyre vullnetarëve ka shumë histori të bukura. Do të ndiqni reportazhin mbi Dong Dienming-un dhe "familjen e tij të vullnetarëve" .

"Një ëndërr që kam nisur, djersa po kthehet në buzëqeshje..."

Më 20 janar të këtij viti, interpretuesi i këngës së vullnetarëve të Lojërave Olimpike të Pekinit "Jam yll", Zhou Huajian, erdhi në shtëpinë e Dong Dienming-ut, që ndodhet në lagjen "Tiantongyuan" të Pekinit, duke kënduar këtë këngë për dy vullnetarët e kësaj shtëpie, z. Dong dhe vajzën e tij.

Duke kujtuar këtë, Dong Dienming është shumë i emocionuar. Ai thotë : "Më vonë, pasi pashë në televizion interpretimin e kësaj kënge nga Zhou Huajian-i, unë u emocionova përsëri". Por tani, z. Dong nuk ka kohë të ndjekë në shtëpi programet televizive, ai dhe vajza e tij punojnë përditë si vullnetarë të Lojërave Olimpike. Z. Dong punon tani në ekipin e automjeteve për sigurimin e transportit, duke u dhënë shërbime komunikacioni funksionarëve sportivë të Komitetit Olimpik Ndërkombëtar.

"Punoj nga ora 3 e gjysmë pasdite deri në orën 24, por jam shumë i kënaqur, sepse jam vullnetar dhe kam dëshirë të jap kontributin tim".

Ndryshe me z. Dong, vajza e tij Xiaodong ka filluar punën si vullnetare qysh vitin e kaluar, ajo ishte atëherë studente e vitit të 4-t. Në vitin 2008, pasi u diplomua në universitet, ajo vazhdoi shërbimet për Lojërat Olimpike dhe u bë vullnetare e garave sportive. Ajo tha:"Organizimi i Lojërave Olimpike nuk është një punë e lehtë, përgatitjet vazhduan 6 a 7 vjet. Si organizatorë të Lojërave Olimpike, te çdo punonjës dhe qytetar pekinas mishërohet fryma olimpike. Jam shumë krenare që pata rast të marrë pjesë në përgatitjet e Lojërave Olimpike".

E zonja e familjes Yang Noling është i vetmi person që nuk punon si vullnetare në këtë familje, por ajo duhet të bëjë punën garantuese të prapavijës për këta dy vullnetarë të familjes. Ajo i tha korrespondentit:"Ata të dy punojnë çdo ditë për një kohë shumë të gjatë, unë e kuptoj lodhjen e tyre dhe po bëj punë të prapavijës për ta, në mënyrë që ata të kenë energji të punojnë. Unë i përkrah plotësisht ata".

Në këtë familje vullnetarësh është edhe një anëtar kandidat i familjes, ai është miku i vajzës Xiaodong, Zhou Xiaoyu. Ai tani punon si zv.shefi i shërbimeve për spektatorët në qendrën kombëtare të notit "Kubi i ujit". Ai është i mendimit se puna e vullnetarit për të është një proces i dhënies së kontributit dhe i korrjes.

"Dhënia e kontributit është një punë e shenjtë dhe e ndershme për një vullnetar. Korrja do të thotë se ne filluam hapin e parë në shoqëri duke mësuar përballimin dhe trajtimin e disa problemeve, kjo do të jetë një ndihmë e madhe për mua." ..

Ai dhe mikesha e tij punojnë në dy pika të afërta, por nuk kanë kohë të takohen. Por puna e vullnetarëve i lidh ata së bashku. Vajza Dong tha: "Megjithëse nuk kemi pasur kohë të dalim së bashku dhe të shkojmë në kinema, ne të dy jemi hedhur në këtë punë të ndershme e të dashur dhe nuk do të kemi pengesë."

Familja e Dong Dienming-ut është vetëm një shembull nga radhët e vullnetarëve të Lojërave Olimpike të Pekinit. Në gjirin e vullnetarëve ka përditë histori të tilla:"Një ëndërr që nisa unë, djersa kthehet në buzëqeshje....." ( Zhai)