dëgjoni

Sot, më 15 gusht, në "Folenë e Zogut", stadiumin kombëtar të Kinës, filluan garat e atletikës të Lojërave Olimpike të Pekinit. Në programin e sotëm do t'ju njohim me atleten më të madhe në historinë e Olimpiadës, amerikanen Mildred Ella Didrikson.

Didriksoni lindi më 26 qershor 1911. Që nga fëmijëria, ajo vendosi objektivin e madh për veprimtarinë e vet të ardhshme dhe për këtë objektiv ajo luftoi në mënyrë të paepur. Në autobiografinë e vet ajo shkruan kështu: "Kur erdhi koha e rinisë së parë, kuptova se isha rritur. Fillova të mendoja çfarë lloj personi do të bëhesha? Objektivi im ishte që të bëhesha sportistja më e madhe në botë. Për të realizuar këtë objektiv, hoqa dorë nga shumë gjëra pa lidhje me sportin, si p. sh. Nga kukullat që i parapëlqejnë shumë vajza."

Me talentin natyror dhe zell, në Kampionatin Amerikan të Atletikës Amatore në vitin 1932, Didriksoni filloi të paraqiste epërsinë e saj. Ndërsa Olimpiada e Los Anxhelosit që u zhvillua po këtë vit, i ofroi asaj një arenë më të gjerë. Ajo, me shumë vetëbesim, nuk e fshehu ambicien e vet para garave olimpike. Gjatë intervistës për gazetarët, ajo u shpreh se qëllimi i pjesëmarrjes në Lojërat Olimpike ishte mundja e të gjitha rivaleve të saj. Pas fillimit të garave, paraqitja e saj konkretizoi premtimet. Në vrapimin 80 metra me pengesa, hedhje shtize dhe kërcim së gjati, ajo u shpall kampione me epërsi absolute. Atëherë femrat mund të merrnin pjesë vetëm në 3 disiplina në një edicion olimpik, përndryshe ajo mund të arrinte rezultate të mira edhe në hedhjen e diskut, në stafetë dhe në kërcimin së larti. Krahas këtyre, Didriksoni fitoi medaljen e artë edhe në maratonë, e cila nuk u përfshi atëherë si disiplinë zyrtare e femrave në Olimpiadë.

Pas ngjitjes në kulmin e Olimpiadës, Didriksoni filloi të sfidonte edhe në golf dhe u bë sportistja më e madhe e golfit në histori. Ajo u shpall kampione me radhë në Kampionatin Amator amerikan të Golfit të vitit 1946 dhe në Kampionatin Amator të femrave të Anglisë në vitin e dytë. Më vonë, ajo u shndërrua në një sportiste profesioniste të golfit. Ajo u shpall kampione tre herë në turneun e golfit "American Open", përkatësisht në vitin 1948, 1950 dhe 1954. Që nga viti 1948 deri në vitin 1951, ajo u shpall fituese e çmimit të madh të turneut profesionist amerikan të golfit për femra. (Wang Lei) (Artan)