dëgjoni

Më 8 gusht në mbrëmje u zhvillua në stadiumin kombëtar "Foleja e zogut" ceremonia e hapjes së Lojërave Olimpike të Pekinit.

Kjo ceremoni, me anën e mjeteve të teknologjisë së lartë të zërit, dritës dhe elektronike u dha spektatorëve një kënaqësi estetike të jashtëzakonshme, duke pasqyruar plotësisht kombinimin e përsosur të kulturës kineze me elemente botërore. Pas ceremonisë së hapjes, regjisori i përgjithshëm i saj Zhang Yimou bëri të ditur historitë e prapaskenës të kësaj ceremonie.

Shfaqjet artistike të ceremonisë së hapjes së çdo edicioni të Lojërave Olimpike kanë qenë gjithmonë mishërimi i përqendruar i kulturës karakteristike të vendit organizator. Më 8 gusht u zbulua sekretari i pasqyrimit të Kinës me qytetërim të ndritur 5-mijëvjeçar.

Qysh në fillim të ceremonisë së hapjes, miqtë dhe mysafirët e ardhur nga vende të ndryshme të botës treguan një emocion dhe çudi të madhe duke ndierë ceremoninë e jashtëzakonshme të pritjes që ka vetëm Kina e lashtë. Ceremonia e hapjes, me ndërthurjen e elementeve të kulturës tradicionale kineze, si piktura e mbledhur si gyp, shtypshkrimi  me hieroglife të lëvizshme, Opera të Pekinit etj., me elemente botërore, si figura me 5 unazat e Lojërave olimpike, stafeta globale e pishtarit olimpik dhe gjurmët e sportistëve, pasqyroi plotësisht dashurinë e popullit kinez për olimpiadën. Regjisori i përgjithshëm i ceremonive të hapjes dhe të mbylljes të Lojërave Olimpike të Pekinit Zhang Yimou na tregoi konceptin e tij krijues. ...

"Sipas mendimit tim, sportistët dhe mysafirët e mbarë botës që kanë ardhur në Kinë sigurisht do të kishin dëshirë të shikonin gjërat e Kinës, prandaj ne e konsideruam kulturën kineze si një përmbajtje kryesore të shfaqjes. Përveç kulturës kineze, ne deshim të pasqyronim edhe pikëpamjet botërore dhe zemërgjerësinë e kinezëve, prandaj në shfaqje ne kemi shkrirë edhe shumë elemente botërore. P. sh. ndezja e zjarrit olimpik është ndërthurje e elementeve kineze me ato botërore".

Shfaqjet artistike të ceremonisë së hapjes nuk ishin thjesht përmbledhja e elementeve kineze. Regjisori Zhang Yimou dhe ekipi i tij krijues zgjodhën një letër madhështore, duke pasqyruar përpara botës një pikturë të mbledhur si gyp, një pikturë të gjatë me zhvillimin e historisë dhe civilizimeve, që në qendër të "Folesë së zogut" përshkoi gjithë ceremoninë në atmosferën artistike të krijuar me zë, dritë, teknikë elektronike dhe zjarr. Historia e qytetërimit 5-mijëvjeçar të Kinës dhe pamjet bashkëkohore e plot gjallëri të Kinës së sotme iu pasqyruan me anën e kësaj pikture të mbledhur si gyp gjithë botës. Ky ngacmim i veçantë krijues ka ardhur te regjisori Zhang Yimou nga piktura karakteristike kineze.

"Ne donim të gjenim një simbol të kulturës kineze. Të gjithëve u pëlqen piktura kineze, u pëlqejnë kuptimi dhe romantika e saj. Kështu ne hapëm në sheshin e stadiumit një pikturë magjike, të ndritshme dhe shumë të bukur".

Në ceremoninë e hapjes, njerëzit panë edhe shfaqjet e gjimnastikës taiji, që simbolizon rrumbullakësinë e qiellit, "rruzulli tokësor" i ngritur poshtë tokës, dhjetëra mijë fytyra të qeshura të fëmijëve të vendeve të ndryshme të botës etj. Të gjitha këto pasqyruan përpara botës konceptin e bashkekzistencës së harmonishme midis njeriut e natyrës dhe temën kryesore të Lojërave Olimpike "E njëjta botë, e njëjta ëndërr".

Gjatë gjithë shfaqjes artistike të ceremonisë së hapjes, si në pikturën e mbledhur gyp apo në pikturën vertikale të 5 unazave, janë shkrirë shumë elemente të teknologjisë së lartë. Lidhur me këtë, regjisori Zhang Yimou tha :

"Duhen përdorur patjetër mjete të teknologjisë së lartë, sepse ne jemi në një epokë plot teknologji të lartë. Pasqyrimi i kulturës së lashtë dhe tradicionale me këtë mënyrë do t'i tërhiqte më shumë të rinjtë dhe duket më e modës.".

Krahas pasqyrimit të qytetërimit të lashtë kinez, ceremonia e hapjes u tregoi njerëzve edhe shkëmbimet dhe lidhjet kulturore të Kinës me botën. Kënga tematike ka qenë gjithmonë një pikë e rëndësishme. Kësaj here, kënga tematike e Lojërave Olimpike të Pekinit "Unë dhe ti", interpretuar nga këngëtari kinez Liu Huan dhe këngëtarja angleze Sarah Brightman, është një vepër përfaqësuese e shkrirjes së kulturës botërore me atë kineze.

Regjisori Zhang Yimou tha se kjo këngë përputhet plotësisht me temën kryesore të ceremonisë së hapjes.

"Unë dhe ti, jemi bashkë, zemrat janë të lidhura si në një familje'. Teksti i thjeshtë ka prekur zemrat e njerëzve."

Më 24 gusht, në ceremoninë e mbylljes, regjisori Zhang Yimou dhe ekipi i tij krijues do t'u sjellin një tjetër të papritur njerëzve. ( Zhai) (Artan)