dëgjoni

Të dashur dëgjues, sot është 8 gusht dhe do të vazhdojmë t'ju flasim për ceremonitë klasike të ndezjes së zjarrit të shenjtë olimpik.

Mënyra më prekëse: Lojërat Olimpike të Atlantës të vitit 1996

Mënyra plot me ndjenja e ndezjes së zjarrit në këto Lojëra pati sukses të madh. Kur mbreti i boksit Muhamed Ali që vuan nga sëmundja e Parkinsonit mbajti pishtarin olimpik, njerëzit e mbarë botës panë duart e tij që dridheshin, por shprehja në fytyrën e tij ishte shumë e fortë. Është e padiskutueshme që ky çast u bë skena më prekëse në historinë e ndezjes së zjarrit të Lojërave Olimpike.

Mënyra më romantike: Lojërat Olimpike të Sidneit të vitit 2000

Sidnei është një qytet bregdetar, prandaj mënyra e ndezjes së zjarrit të shenjtë olimpik u lidh me ujin. Nën sfondin e ujëvarës, atletja e famshme australiane Friman ndezi zjarrin nën ujë. Kjo skenë e bukur e lidhjes së zjarrit me ujin u la njerëzve përshtypje shumë të thellë.

Mënyra më klasike: Në Lojërat Olimpike të Athinës të vitit 2004

Grekët dhanë një shfaqje të jashtëzakonshme të mrekullueshme në ceremoninë e hapjes së Lojërave Olimpike, arti në detin e Egjeut preku çdo njeri. Në krahasim me shfaqjen e mrekullueshme, ceremonia e ndezjes së zjarrit ishte pak e thjeshtë. Kulla e pishtarit ra ngadalë dhe pas ndezjes së zjarrit të shenjtë, u ngrit përsëri. Ndoshta kjo mënyrë e lashtë e ndezjes së zjarrit simbolizoi përkujtimin e Olimpiadës së lashtë.

Mënyra më e pritur: Lojërat Olimpike të Pekinit të vitit 2008

Si do të ndizet zjarri i shenjtë i Lojërave Olimpike të Pekinit? Ky është ende një sekret. Sot në mbrëmje, do të zbulohet ky çast që do të regjistrohet patjetër në historinë e Lojërave Olimpike. (Fani)