dëgjoni

Lojërat Olimpike janë skena e konkurrimit sportiv të nivelit më të lartë në botë. Me afrimin e Lojërave Olimpike të Pekinit 2008, shumë media të vendeve perëndimore, si radio, televizione dhe gazeta, po vendosen në Pekin duke filluar konkurrencën e ashpër ndërmjet tyre.

Për të njoftuar në mënyrë të gjithanshme Lojërat Olimpike të Pekinit, televizioni më i madh gjerman, televizioni 1 i Gjermanisë, së bashku me televizionin 2 të Gjermanisë, ka dërguar një grup prej më se 700 vetash në Pekin dhe mori me qira 5 vende me një sipërfaqe të përgjithshme prej 2000 metrash katrorë në Qendrën Ndërkombëtare Radiotelevizive të Lojërave Olimpike të Pekinit.

Shefi i sektorit të redaktimit të televizionit 1 të Gjermanisë Wolfgang Kraemer tha: "Për sa u përket sasisë së emisioneve, gjatë Lojërave Olimpike ne do të kemi përditë emisione të plota. Do të transmetojmë drejtpërsëdrejti emisione dhe do të bëjmë përditë përgjithësimin e garave dhe ndeshjeve ditore. Kemi vendosur edhe një kabinë të hapur në hotelin 'Kempinski', ku do të bëjmë një emision të bisedës së natës, që do të ketë më shumë karakter zbavitës."

Edhe televizioni francez nuk mbetet prapa, ai ka dërguar një grup informativ prej më se 180 gazetarësh. Kryemenazheri i televizionit 2 të Francës për transmetimin e Lojërave Olimpike Frederic Christian Gaillard tha se televizioni francez u kushton një rëndësi shumë të madhe njoftimeve mbi Lojërat Olimpike të Pekinit dhe ka investuar më shumë se në Lojërat e kaluara Olimpike."Kësaj here, ne kemi ardhur gjithsej 180 gazetarë, përkatësisht nga televizioni 2, 3, 4 dhe televizioni i lajmeve i Francës, që janë anëtarë të Lidhjes së Radiotelevizionit të Francës. Ne kemi investuar më se 10 milionë euro për pajisjet transmetuese, personat, strehimin, udhëtimin dhe materialet etj."

Sipas parashikimeve të Komitetit Organizativ të Lojërave Olimpike të Pekinit, gjatë zhvillimit të Lojërave Olimpike do të vijnë rreth 21600 gazetarë të regjistruar nga më se 200 vende e rajone për njoftime, kjo shifër është më e madhe se ajo e gazetarëve të pranishëm në Lojërat Olimpike të Athinës të vitit 2004. Kurse numri i përgjithshëm i ndjekësve globalë të emisioneve mbi Lojërat Olimpike të Pekinit do t'i kalojë 4 miliardët. Prandaj, niveli i njoftimeve të mediave do të jetë një nga treguesit e rëndësishëm të suksesit të Lojërave Olimpike të Pekinit.

Përgjegjësi i mediave të Komitetit Olimpik të Australisë i tha korrespondentit të radios sonë se numri i përgjithshëm i gazetarëve të dërguar nga mediat e ndryshme australiane për njoftime në Pekin e ka kaluar 500-tën."Do të vijnë më shumë gazetarë në Pekin për të njoftuar Lojërat Olimpike, kjo ka lidhje të drejtpërdrejtë me interesimin e madh të Australisë për Kinën."

Zv.shefi i sektorit sportiv të gazetës japoneze "Yomiuri Shimbun" Matsumoto Hiroyuki ka njoftuar Lojërat Olimpike të vitit 2000 në Sidnei dhe të vitit 2004 në Athinë. Siç bëri të ditur ai, kësaj here, nga selia e përgjithshme e "Yomiuri Shimbun"-it janë dërguar më se 30 gazetarë për njoftime rreth Lojërave Olimpike në Pekin. Përveç kësaj, kjo gazetë ka dërguar për herë të parë edhe gazetarë të paregjistruar për të dhënë lajme me temë nga shoqëria kineze që kanë lidhje me Lojërat Olimpike.

Matsumoto Hiroyuki tha: "Për arsye të dallimeve në konceptin e vlerave midis Kinës dhe Japonisë, shumë banorë japonezë nuk e kanë njohur mirë Kinën. Kina, që ka zhvillim të vazhdueshëm ekonomik dhe si një vend i madh në botë, ka ndikim të madh. Prandaj shumë media të huaja, duke përfshirë edhe mediat japoneze, kanë dërguar shumë gazetarë të paregjistruar në Pekin, për arsye se ata kanë interesim të madh për Kinën dhe duan ta njohin me të vërtetë atë."

Dëgjues të dashur, në fushën e konkurrimit të mediave për njoftimet e Lojërave Olimpike, rivaliteti është shumë i ashpër. Në punën intensive, gazetarët dëshirojnë të kenë shërbime të kujdesshme nga organizatorët, prandaj Komiteti Organizativ i Lojërave Olimpike të Pekinit u ka kushtuar një rëndësi të madhe shërbimeve për median. Wolfgang Kraemer-i i televizionit 1 të Gjermanisë tha "Ne gjetëm këtu pritje shumë miqësore. Kolegët e Qendrës transmetuese Olimpike dhe të Komitetit Organizativ të Lojërave Olimpike të Pekinit na kanë dhënë ndihmë të madhe. Ata kanë bërë të gjitha përpjekjet në mënyrë që ne të realizojmë emisionet." ?Zhai ?