dëgjoni

Velodromi laoshan ndodhet në pjesën perëndimore të Pekinit. Në të do të zhvillohen garat sportive me biçikleta të Lojërave Olimpike të Pekinit për vitin 2008, në të cilat do të jepen 12 medalje ari.

Velodromi Laoshan zë një sipërfaqe prej 6.6 hektarësh, rrethi i çiklizmit është 200 metra dhe kapaciteti i tij është 6 mijë veta. Ky velodrom në formë pjate i ndërtuar sipas relievit ku ndodhet, është shumë tërheqës. Ndërtesa e tij kryesore në formë pjate është në fakt shprehje abstrakte e helmetave të çiklistëve, duke treguar plotësisht shpejtësinë e çiklizmit.

Një nga karakteristikat e këtij velodromi është përdorimi i materialeve të reja dhe i teknologjisë së lartë e ndriçimi natyror. P.sh. në çatinë e velodromit është vendosur një xham shumë i madh e poshtë tij janë fletët inteligjente që rregullojnë rrezet e dritës. Në kohë të mirë, nëpërmjet rregullimit të këtyre fletëve, drita mund të hyjë normalisht. Kur bie shi, fletët hapen plotësisht për të shtuar dritën. Në mbrëmje, anët e lyera me lëndë reflekse të fletëve kthehen nga brenda për të shtuar aftësinë e ndriçimit. Ndërsa lëndët reflekse të lyera në këto fletë mund të zhdukin trazimin e dritave verbuese ndaj sportistëve.

Për velodromin Laoshan, ndërtesa e 4-t e re e lojërave olimpike në Pekin punimet e ndërtimit filluan më 13 tetor 2004 dhe u përurua në qershor të vitit 2007. (Pina)

BMX do të thotë motokros me biçikletë, i cili është një sport i ri olimpik me biçikletë. Atëherë, çfarë ju vjen ndër mend duke përmendur biçikletën e BMX-it? Lëvizje të shumëllojshme akrobatike, apo fluturime emocionuese në ajër, apo një shpirt që nuk frikësohet fare nga humbja dhe sfidon maksimumin fizik?

Në fillim fare, ky sport ekstrem i lindur në SHBA u përhap shumë shpejt në të gjithë Amerikën si një sport jashtë në natyrë me shpejtësi të mëdha. Derisa në periudhën e mesmit të viteve 80 të shekullit të kaluar, një djalosh amerikan që quhet Bob Haro instaloi katër tuba të shkurtër metalikë në të dyja anët e rrotave të biçikletës. Me këto pajisje të reja, çiklistët mund të bëjnë më shumë lëvizje të bukura dhe emocionuese. Ky ndryshim e vogël i ndihmoi këtë sport të përhapet shumë shpejt në të gjithë globin. Vitet e fundit, në lagjet dhe në rrugët e Kinës, ju mund të shikoni shumë adoleshentë që kërcejnë dhe lëvizin lart poshtë nëpër shkallë, duke drejtuar këtë lloj biçiklete të veçantë.

Në vitin 2008, ky sport që sfidon maksimumin e njeriut do të ngjitet për herë të parë në skenën olimpike dhe do të zhvillohet në stadiumin e BMX-it të Laoshanit që ndodhet në pjesën perëndimore të Pekinit. Ky stadium gjendet në rajonin e mbrojtjes së relikteve të varrezave të lashta të Dinastisë Han dhe kufizohet me stadiumin e çiklizimit të Laoshanit dhe stadiumin e çiklizimit malor të Laoshanit. Ky stadium i përkohshëm ka një sipërfaqe afro 1.98 hektarë dhe mund të nxërë 4 mijë spektatorë gjatë Lojërave Olimpike të Pekinit.

Sipas projektimit, pista me ngjyrë të artë me distancë 400 metra ndodhet mu në mes të stadiumit. Dhe me ngjyrën e qellit dhe të pemëve të mbjella rreth stadiumit, kjo pistë duket si një dragua gjigant që po pushon në natyrën e qetë, duke pritur ardhjen e çiklistëve nga vende të tjera. Në këtë pistë janë vendosur disa kodra të vogla me dhe me lartësi të ndryshme. Lartësia më e madhe është afërsisht 4 metra. Këto kodra të vogla janë pengesa të garave dhe janë platforma ku sportistët do të tregojnë teknikat e shkëlqyera. Me këto pengesa, sportistët mund të kërcejnë dhe fluturojnë me biçikletat e tyre, duke bërë lëvizje të bukura akrobatike për shikuesit e të gjithë botës

Për dheun e këtyre kodrave të vogla, Federata Ndërkombëtare e Çiklizmit ka një përcaktim të qartë. Dheu që përdoret në garat duhet të ketë 20% rërë dhe për të garantuar një rehati të përshtatshme për çiklistë, ky dhe nuk lejohet të përzihet thjesht me rërë, çka i solli palës organizatore një vështirësi të madhe. Për të gjetur dhe të përshtatshëm, pala e ndërtimit formoi një ekip të veçantë kërkimi. Pasi harxhoi mbi një muaj, ky ekip gjeti 6 lloje dheu, zgjodhi 3 nga ato dhe i dërgoi për në Federatën Ndërkombëtare të Çiklizmit me enë të izoluara. Por kur të gjithë njerëzit po presnin përgjigjen nga Federata Ndërkombëtare e Çiklizmit, specialistë të kësaj federate u shprehën që do të shkonin në Pekin për të zgjedhur nga afër një lloj dheu të përshtatshëm. Kjo gjë ndikoi në mënyrë negative në ndërtimin e këtij stadiumi të veçantë, sepse ndërtimi i të gjithë stadiumit do të shtyhej nëse dheu për gara nuk mund të gjendej brenda një kohe të shkurtër, çka do të ndikonte në zhvillimin normal të Lojërave të Pekinit në muajin gusht. Fatmirësisht, pas disa krahasimesh dhe eksperimentimesh, specialistët e përcaktuan dheun e Dongerqi-t të distriktit Changping të Pekinit si dheun zyrtar të garës. Ky lloj dheu ka një përqindje shumë të mirë me rërë dhe është mjaft poroz, prandaj përputhet me kërkesën e garave të BMX-it.

Pasi u zgjidh problemi i dheut të garës, ndërtimi i stadiumit shkoi shumë mirë dhe i gjithë projekti përfundoi normalisht brenda afatit të përcaktuar.

Më 20 e 21 gusht të vitit 2007, u zhvillua në këtë stadium Botërori i BMX-it i Federatës Ndërkombëtare të Çiklizmit. Pajisjet e stadiumit e ambienti i garave janë vlerësuar lart nga të gjithë sportistët dhe spektatorët. Tani, le të presim bashkë një zhvillim të mbarë të garave olimpike në këtë stadium të bukur. (Jiang Lei)