dëgjoni

Ambasadori i Shqipërisë në Kinë Maxhun Peka ka ardhur para afro 2 vjetësh në Pekin. Ashtu si të gjithë banorët e thjeshtë, ai i kushton rëndësi shumë të madhe edhe progresit të punës përgatitore të Lojërave Olimpike të Pekinit. Në prag të hapjes së Lojërave Olimpike të pekinit, z.Peka dha një intervistë për korrespondentin e Radios sonë, duke shprehur ndjenjat e tij për Kinën dhe ndjenja të shumëllojshme për Lojërat Olimpike. Më poshtë do të ndiqni tani reportazhin e korrespondentit të Radios sonë Jiang Lei.

Shkëlqimi i Pekinit:

Para ngarkimit të tij me funksion në Kinë, z. Peka ka ardhur shumë herë në Kinë. Ai tha se gjatë vjetëve të fundit, Pekini dhe Kina kanë tërhequr gjithnjë e më shumë vëmendjen e botës, sidomos historia dhe kultura e gjatë e tyre kanë tërhequr pandërprerë njerëzit e vendeve të ndryshme të botës.

"Mund të them se është historia dhe kultura shumë e lashtë e Kinës ajo që ngjall interes te të gjithë vizitorët e huaj. Cilido i huaj e ka ëndërr të shohë Murin e Madh Kinez, të vizitojë terrakotat në Si`an, të njihet me filozofinë e Konfucit apo të shikojë ndryshimet marramendëse të Kinës të këtyre 30 vjetëve të fundit."

Ambasadori Peka, i cili ka punuar mbi 30 vjet në diplomaci, vuri në dukje gjithashtu se përveç turistëve të huaj, Kina është një vend që edhe titullarët diplomatikë dëshirojnë të vijnë.

"Diplomatët preferojnë të punojnë në Kinë, të ndjekin zhvillimet e brendshme, si dhe politikën shumë aktive ndërkombëtare të saj, rolin e Kinës në zgjidhjen e të gjitha krizave të sotme botërore."

Puna e dalluar përgatitore e Lojërave Olimpike të Pekinit:

Duke folur për punën përgatitore të pekinit, ambasadori Peka vlerësoi se puna përgatitore e Lojërave Olimpike të Pekinit ka arritur suksese të kënaqshme dhe i la atij një përshtypje shumë të thellë. Me nxitjen e lëvizjes olimpike dhe me përkrahje të mëdha të Komitetit Organizativ Olimpik të pekinit dhe të masave popullore, Pekini ka bërë transformimin urban në përmasa të mëdha, duke ndërtuar me frymë krijuese stadiumet sportive, fshatin olimpik të nivelit më të lartë dhe rrugët e reja automobilistike. Ai tha gjithashtu se në jetesën e njerëzve ka një afmosferë të plotë olimpike. Njëkohësisht ndërtimi i infrastrukturës për Lojërat Olimpike është gjithashtu shumë i dalluar.

"Por është evidente që qysh prej kohësh jetojmë në atmosferën e Olimpiadës. Jemi të befasuar me infrastrukturën e jashtëzakonshme të ndërtuar vitet e fundit në funksion të Olimpiadës."

Koha e Pekinit ka qenë gjithmonë një fokus i diskutimeve të njerëzve. Për të krijuar "Lëvizjen e gjebër olimpike", Komiteti Organizativ Olimpik i Pekinit ka bërë një përpjekje shumë-vjeçare. Ambasadori Peka tha se në problemin e cilësisë ajrore, Kina ka bërë shumë përpjekje, duke marrë shumë masa konkrete.

"Për klimën dhe ndotjen e ambientit në Pekin është folur vazhdimisht dhe vazhdohet të flitet. Jemi dëshmitarë të masave që kanë marrë autoritetet e vendit për të siguruar një ambient sa më të pastër, të mundshëm për Lojëra."

Pritet realizimi i ëndrrës olimpike si dhe sukseset e sportistëve

Megjithëse nuk ka patur suksese të dalluara, Shqipëria ka marrë pjesë aktivisht në zgjedhjen e disiplinave të ndryshme të Lojërave Olimpike. Ambasadori Peka na tha se Shqipëria ka një shpresë të përbashkët për Lojërat Olimpike, do të thotë pjesëmarrja në Lojërat Olimpike.

Në vitin 1972, Shqipëria mori pjesë për herë të parë në Lojërat Olimpike, pastaj në Lojërat Olimpike të Barcelonës, Atlantës, Sidnejit, dhe të Athinës. Pjesëmarrja në Lojërat Olimpike të Pekinit të vitit 2008 është hera e parë e pjesëmarrjes së vendit të Shqiponjës në Azi. Ajo dërgoi një delegacion që përbëhet nga 27 veta, 11 prej tyre janë sportistë, ata do të marrin pjesë në ndeshjet e qitjes, notimit, mundjes, peshëngritjes etj. Ky është numri më i madh i sportistëve të delegacionit olimpik të dërguar nga Shqipëria. Në qitje Shqipëria ka potencialin e rivalitetit për medalje. Delegacioni sportiv i Shqipërisë nuk ka fituar medalje të artë në ndeshjet e Lojërave Olimpike, por ambasadori Peka u shpreh optimist për nivelin e sportistëve dhe tha se do të shkojë në vendin e ndeshjeve për t'u dhënë zemër sportistëve shqiptarë.

"Sigurisht që do të shkoj dhe do të përpiqem të inkurajoj sportistët shqiptarë. Ata përfaqësojnë Shqipërinë dhe do të jenë krenaria e kombit. Shqipëria është një vend i vogël, me përvojë dhe kushtet e kufizuara në zhvillimin e sporteve. Jo të gjithë që marrin pjesë në Olimpiadë marrin medalje. Ne gëzohemi dhe krenohemi me çdo sukses të sportistëve shqiptarë."

Një rast për forcimin e shkëmbimeve midis dy vendeve

Si një ambasador në Kinë, Peka është shumë i qartë se forcimi i shkëmbimeve dhe bashkëpunimit në fushën kulturore ka një rol shumë të rëndësishëm për të forcuar miqësinë midis qeverive dhe popujve të të dy vendeve. Organizimi i Lojërave Olimpike në Kinë është një rast shumë i mirë për konsolidimin dhe forcimin e marrëdhënieve midis dy vendeve. Ai tha se qeveria shqiptare dhe ambasada e Shqipërisë në Kinë i kushtojnë rëndësi shumë të madhe këtij rasti. Ambasadori Peka na tha se kryeministri i Shqipërisë, z. Sali Berisha do të marrë pjesë në ceremoninë e hapjes së Lojërave Olimpike të Pekinit.

"Për të marrë pjesë në ceremoninë e hapjes së Lojërave Olimpike do të vijë në Pekin një delegacion shqiptar i kryesuar nga kryeministri, prof. dr. Sali Berisha. Ne shpresojmë dhe dëshirojmë që kryeministri shqiptar të ketë takime të veçanta dhe me drejtues të shtetit kinez. Kjo do t'i shërbente forcimit të mëtejshëm të marrëdhënieve tradicionale miqësore midis dy popujve dhe dy vendeve tona."

Urojmë Lojërave Olimpike të Pekinit

Për të organizuar me sukses Lojërat Olimpike, Komiteti Organizativ Olimpik i Pekinit dhe masat popullore kanë bërë përgatitje të mjafttueshme. Të gjitha përpjekjet kanë për qëllim që të shfaqin para njerëzve të mbarë botës një edicion të shkëlqyer të Lojërave Olimpike.

Në prag të hapjes së Lojërave Olimpike të Pekinit, ashtu si masat popullore të Kinës dhe të vendeve të tjera, ambasadori Peka shprehu bindjen se Pekini do të organizojë si duhet Lojërat Olimpike.

"Autoritetet e vendit kanë marrë masa të jashtëzakonshme për Lojërat Olimpike, që gjithçka të shkojë shumë mirë, të mos ketë probleme. Ju uroj suksese për Lojërat Olimpike!" (Sihai)