dëgjoni

Intervista të dhëna për gazetarin e redaksisë sonë Gazmend, nga Sahit Prizreni.

1. Sahit ju keni zgjedhur Prizrenin për te bërë stërvitjen tuaj,pse jo në Shqipëri ose ndonjë vend tjetër?

Unë në fakt kam zgjedhur Kosovën,mund të them për shumë arsye,një nga arsyet kryesore është vetë fakti se traineri im është nga kosovar i cili është Sulejman Shala.Plus kësaj mund të them dhe kushtet momentalisht në Shqipëri nuk na plotësojnë ato cilësi për srërvitje.Unë kam zgjedhur Kosovën dhe deri tani kanë shkuar mir.

2. Sa kohë keni që stërviteni dhe sa orë në ditë?

Stërvitjet në Kosovë i kam filluar që vjet,që para Kampionatit Botëror që u zhvillua në Azerbajxhan dhe kjo ka vazhduar deri tani ,stërvitja normalisht këto kohë ka qenë dy herë në ditë,mund të them se shkon deri në 4 orë stërvitje në ditë,është pak e lodhshme por dihet që sporti ynë është sport i mundimshëm.

3. Ju Sahit keni zënë vendin e 3 në Kampionatin Botëror në Azerbajxhan?

Po është e vërtetë unë zura vendin e tretë në kampionatin botëror zhvilluar në Azerbajxhan me një medalje bronxi dhe kjo ishte me të vërtetë një dhuratë e bukur përpara Olimpiadës,një emocion i madh,ishte një ëndërr e themi shkurt,megjithëse tani na është rikthyer një ëndërr tjetër sic është Olimpiada e Pekinit ku shpresojmë që të arrijmë një rezultat pozitiv,pse jo dhe një medalje.