dëgjoni

Lojërat Olimpike do të ndryshojnë jetën e shumë njerëzve, nuk përjashtohet edhe protagonisti i programit të sotëm, çeku Josef Jarabinski, që ka punuar në sezonin 2007 si trajneri i ekipit të futbollit Teda të Tiancinit, një nga ekipet e Ligës Superiore të Futbollit të Kinës.

Në Janar të vitit 2007, Klubi i futbollit Teda i Tiancinit emroi zyrtarisht çekun Jarabinski si trajner kryesor. 62 vjeçari Jarabinski ishte trajner i ekipit Sparta Pragë, i ekipit Slavia Pragë dhe ekipeve të tjera të forta çeke. Krahas këtyre, ai ka edhe përvojë të pasur si trajner jashtë vendit, si në Spanjë, Turqi, Sllovaki, Greqi etj. dhe ishte trajner fillestar i yllit të njohur në arenën futbollistike botërore Nedved. Dishepujt e tij të tjerë, si Smiçer, Koller, Baros etj. janë gjithashtu personalitete të njohura në skenën botërore të futbollit. Eksperienca e pasur u bë edhe baza e ngarkimit të tij si trajner i ekipit Teda të Tiancinit.

Në sezon 2007, nën drejtimin e Jarabinskit, ekipi Teda i Tiancinit u radhit në vendin e 6-të ndër 15 ekipet të Ligës Supreme të Futbollit të Kinës. Mund të them se kz nuk është një rezultat i keq. Pas banimit 11 mujor në Kinë, Jarabinski ka pasur më shumë njohje për qytetin Tiancin, ku do të zhvillohen ndeshjet futbollistike olimpike, për Kinën dhe për sportin kinez.

Jarabinski është i mendimit se Tiancini është një qytet i hapur dhe Kina është një vend i hapur. Kjo ka qenë ndjenja e tij më e fortë gjatë këtyre 11 muajve në Tiancin. Ai tha se Kina është një vend shumë tërheqës. Ajo disponon talente të nivelit të parë në botë në fushat ekonomike, të shkencave natyrore, sportive etj. dhe ka tërhequr gjithnjë e më shumë talente të mbarë botës të vijnë këtu për kërkimin e shanseve. Kina për të ka shumë vitalitet dhe ndjehet i nderuar që ka punuar në një vend të tillë. Lidhur me mjedisin e punës së tij në Tiancin, Jarabinski është i mendimit se këtu ka kushte më të mira të stërvitjeve dhe stadiume më moderne se në Çeki. Pavarësisht nga stadiumi i ekipit Teda apo stadiumi i Qendrës së Sporteve Olimpike, ku do të zhvillohen ndeshjet futbollistike olimpike, instalimet janë të nivelit të parë.

"Mund të them se është shumë i mirë. Stadiumi olimpik në Tiancin është një nga stadiumet më të mira në Kinë, që mund të plotësojë kërkesa të ndryshme më të reja dhe më moderne dhe madje, mund të them se ai mund të krahasohet edhe me stadiumin më të mirë evropian. Kushtet janë të kënaqshme për futbollistët dhe për trajnerin."

Në vitin 2008, do të zhvillohen në Pekin Lojërat Olimpike. Jarabinski, që vizitoi disa herë Pekinin, shprehu besim se Lojërat Olimpike të Pekinit do të zhvillohen të suksesshme, dhe tha se "për mua është një nder puna si trajner në qytetin bashkërendues të Lojërave Olimpike të Pekinit".

"Tani Lojërat Olimpike nuk kanë ndikuar mbi punën time, por qyteti Tiancin nuk ndahet nga futbolli. Tifozët vijnë në stadium për të parë futboll, kemi shumë shikues. Tifozët këtu dinë shumë për futbollin dhe kanë shumë qejf ta ndjekin atë."

Aktualisht, ekipi kombëtar olimpik i futbollit i Kinës po bën përgatitjet për Lojërat Olimpike, nën drejtimin e trajnerit kryesor Dujkoviç. Objektivi i ekipi kinez është përfshirja në 4 ekipet më të forta të futbollit për meshkuj në Lojërat Olimpike. Jarabinski dhe Dujkoviçi janë miq të vjetër. Ai mendoi se Dujkoviçi ka pranuan një detyrë plotë sfida.

"Mendoj se është shumë e vështirë për ta kryer këtë detyrë, por shpresoj se ai do tçia arrijë me sukses."

Jarabinski është i mendimit se futbollisti duhet të ketë zhvillimin e plotë dhe në plan të parë, duhet të mësojë "të përdorë trurin" në lojë. Ai mendon se shumë futbollistë kinezë kanë talent natyror, por për ta mungon ndonjë gjë tjetër. Prandaj për futbollin e tanishëm kinez të meshkujve, është pak e vështirë që të përfshihet në 4 ekipet më të forta olimpike.

Kina ka popullsi më të madhe në botë, por niveli i saj në futboll ka disnivel të madh nga Çekia. Për këtë, Jarabinski ka mendimin e vet shumë të veçantë. Ai tha se Kina është vendi i fort sportiv dhe në shumë disiplina sportive ka nivelin mjaft të lartë. Pikërisht për këtë arsye, shumë të rinj të taletuar dëshirojnë të merren me disiplina të tjera sportive, dhe jo futbollin.

"Në zgjedhjet e lojëtarëve të rinj, klubet çeke kanë hapësira të mëdha. Një pjesë e madhe e të rinjve çek kanë dëshirë të luajnë futboll. Mirëpo në Kinë, të rinjtë kanë më shumë prirje te sportet e tjera, si pingpong. Futbolli nuk ka aq forcë tërheqëse ndaj tyre."

Jarabinski mendon se zgjedhjet e shumëllojshme mishërojnë potencialin e madh kompleks të sportit kinez. Njëkohësisht, ai beson se në popullsinë e madhe kineze, nuk është një ëndërr e largët që të dalin futbollistë të dalluar në Kinë. (Wang Lei)