dëgjoni

Në Stadiumin Jinnah të Islamabad, janë vendosur pesë balonat në formën e maskotit të Lojërave Olimpike të Pekinit, gjë që i ka shtuar një ngjyrë të re punës përgatitore për pritjen e zjarrit të shenjtë. Në fund të muajit mars, Komiteti Olimpik i Pakistanit dhe ambasada kineze në Pakistan organizuan një konferencë të përbashkët për shtyp, në të cilën i njohën njerëzit me gjendjen e përgatijes së stafetës së pishtarit olimpik në Islamabad dhe publikuan gjithashtu itinerarin zyrtar të stafetës.

Kryetari i Komitetit Olimpik të Pakistanit Arif Hasan tregoi se stafeta e pishtarit olimpik do të zhvillohet më 16 prill në Islamabad dhe se kjo ëshët hera e parë që të zhvillohet stafeta e zjarrit të shenjtë në Pakistan. Ai shtoi se pala pakistaneze është shumë e nderuar dhe ka bërë përgatitje të plota. Ai u tregon gazetarëve se në përgjithësi janë gati punët përgatitore.

"Ne jemi shumë e nderuar që bëhemi një pjesë e udhëtimit me harmoni dhe po presim që të ndajmë këtë ëndërr bashkë me popullin kinez. Këtu ju garantojmë se gjithçka është gati."

Në konferencën e shtypit, zoti Hasan njohu me punët e ndryshme përgatitore të stafetës. Sipas tij, pala pakistaneze ka formuar disa institucione të posaçme që përgjigjen për organizimin e këtij aktiviteti, si një komision drejtues dhe një komision të punës. Ndërkohë, pala organizatore ka bërë punë të shumta në përhapjen në mediat. Gjatë procesit të stafetës, televizione dhe radio lokale do të bëjnë transmetime të drejtpërdrejt. Krahas këtyre, edhe masat e sigurimit të këtij aktiviteti janë gati. Zoti Hasan e shpalli ndërkohë projektin përfundimtar të stafetës në Islamabad. Ai tha:

"Ne kemi përcaktuar projektin përfundimtar për itinerarin e stafetës dhe tani do të prezantoj këtë projekt. Duke u nisur nga bulevardi Jinnah, zjarri i shenjtë olimpik do të kalojë në zonën e ambasadave nëpërmjet rrugës së kushtetutës, ku ndodhen presidenca, pallati i parlamentit, gjykata e lartë dhe sekretariati i kryeministrit, pastaj do të kthehet djathtas afër hotelit Selina, duke arritur në Stadiumin Jinnah nëpërmjet rrugës Kashmir."

Zoti Hasan tregoi gjithashtu se para se të fillojë stafeta, do të zhvillohet një ceremoni madhështore e ndezjes dhe se pas stafetës, pala pakistaneze do të organizojë kremtime madhështore në Stadiumin Jinnah, çka do të zgjasë për afro 5 orë.

Ambasadori kinez në Pakistan Luo Zhaohui shprehu falënderime të sinqerta për përgatitjet e bëra nga pala pakistaneze për pritjen e zjarrit të shenjtë.

"Nën udhëheqjen e krytarit Arif Hasan dhe me përpjekjet e kolegëve të tij, Komiteti Olimpik Pakistanez ka bërë përgatitje të shumta. Ne jemi të prekur nga kontributet e tyre të mrekullueshme. Ata punojnë me zell të madh, prandaj zoti Hasan dhe kolegët e tuaj, unë dua të shpreh falënderime për punët që ju keni bërë qysh nga mesi i vitit të kaluar! Pastaj, dua të shpreh falënderime të sinqerta për qeverinë dhe populli pakistanez. Besoj se do të shihni dhe të ndani ëndrrën dhe pasionin olimpik pasi të vijë pishtari olimpik."

Kjo konferencë për shtyp ka tërhequr vëmendje të larta të mediave lokale, afro një qind gazetarë brenda dhe jashtë Pakistanit morën pjesë në të. Nahin është një gazetare e televizionit lokal. Ajo u shpreh gjatë intervistës se stafeta e pishtarit olimpik është një ngjarje e madhe jo vetëm në fushën sportive, por edhe në mediat.

"Si një punonjëse në media, kam qejf të madh që të bëj korrespondencë mbi këtë aktivitet të madh, se kjo do të jetë një gjë shumë e bukur. Është nderi im që të bëj korrespondencë mbi stafetën në Pakistan." (Jiang Lei)