Nga viti 1896, kur u zhvilluan Lojërat e Para Olimpike, e deri në sot, gjatë mbi 100 vjetëve, Lojërat Olimpike moderne janë shndërruar në aktivitetet shoqërore më tërheqëse dhe me më shumë ndikim. Përse këto lojëra kanë ndikim kaq të madh? Cilat kanë qenë zigzaget në rrugën e tyre? Duke filluar nga sot, do t'i hedhim një sy rrugës që kanë përshkuar lojërat olimpike.

Në rubrikën e sotme, do t'ju tregojë për zanafillën e Lojërave Olimpike në Lashtës dhe për garat e para të vrapimit në to.

Lojërat Olimpike të Lashta, që nisën të organizohen nga viti 776 para erës sonë dhe përfunduan në vitin 394 të erës sonë, patën një histori 1169 vjeçare dhe u zhvilluan 293 herë. Lojërat Olimpike të Lashta u organizuan në një zonë me emrin olimpia, e cila ishte mbi 300 kilometra larg nga Athina. Sipas një legjende, ajo ishte një vend takimi i hyjnive të ndryshme greke, por në fakt ishte një vend i shenjtë fetar flijimi. Gara më e hershme dhe e vetme në Lojërat e Para Olimpike të Lashta ishte vrapimi 192 metra, që u zhvillua në rajonin e shenjtë Altis. Rreth e rrotull rajonit të shenjtë Altis, u ndërtua një stadium i posaçëm për Lojërat Olimpike të Lashta. Pista e këtij stadiumi kishte një gjerësi prej 32 metrash, që mjaftonte për vrapimin e 20 sportistëve. Gjatësia e saj ishte 192 metra.

Me zhvillimin e Lojërave Olimpike të Lashta, në Lojërat 14-ta Olimpike të Lashta të vitit 724 para erës sonë, u vendos një garë e re: gara e vrapimit e distancë së mesme. Gjatësia e saj ishte mbi 380 metra, sa dy herë e gjatësisë së pistës. Në vijën e mbërritjes u vendos një shenjë e kthimit. Në çdo korsi u ngrit një shtyllë guri e kthimit.

Kur lindi gara e vrapimit e distancës së gjatë në Lojërat Olimpike të Lashta, grekët e lashtësisë treguan qëndresë e fortë të madhe në këtë garë. Në Lojërat e 15-të Olimpike të Lashta të vitit 720 para erës sonë u vendos një garë e re: gara e vrapimit e distancës së lartë, domethënë vrapimi me kthesë në pistën 192 metra. Distanca e saj e përgjithshme ishte mbi 4600 metra, 24 herë e gjatësisë së pistës.

Lindja e garës së vrapimit të distancës së gjatë në Greqinë e lashtë ishte e lidhur ngushtë me luftën. Në atë kohë, kushtet e komunikacionit dhe të ndërlidhjes ishin shumë të këqija. Për të transmetuar letrat dhe urdhrat, të dërguarit e ushtrisë duhej të kalonin malet me vrap. Ambienti i luftës krijoi shumë vrapues të njohur të distancave të gjata. Në Lojërat Olimpike të Lashtësisë kishte një kampion të vrapimit të distancave të gjata, i cili pas fitimit të titullit të kampinit, kthehej në shtëpi duke vrapuar mbi 100 kilometra për t'i njohur sa më parë të afërmit e tij me këtë sihariq. Prandaj, një distancë nën 5000 metra nuk ishte një gjë e madhe për sportistët e njohur të vrapimit.

Ju flet Radio e Jashtme e Kinës. Të dashur dëgjues, ju folëm për zanafillën e Lojërave Olimpike të Lashta dhe garat e para të vrapimit. Në mikrofon për ju Shyguan. (Shyguan)