Më 29 tetor, kryeministri i Kinës Wen Jiabao dha një intervistë për agjencitë ruse të lajmeve "TASS" e "Interfax". Ai iu përgjigj pyetjeve të gazetarëve mbi zhvillimin e marrëdhënieve të partneritetit të bashkëpunimit strategjik kino-rus, thellimin e bashkëpunimit real të të dyja vendeve, situatën e zhvillimit ekonomik në Kinë dhe krizën financiare ndërkombëtare.

Duke folur për situatën e tanishme të bashkëpunimit ndërmjet Kinës dhe Rusisë, Wen Jiabao tha se marrëdhëniet e partneritetit të bashkëpunimit strategjik kino-rus janë vendosur prej 12 vjetësh. Të dyja vendet kanë arritur një sërë rezultatesh të rëndësishme dhe tani marrëdhëniet ndërmjet Kinës e Rusisë janë në periudhën më të mirë.

Në problemin e bashkëpunimit ekonomiko-tregtar kino-rus, Wen Jiabao tha se ky bashkëpunim është i gjithanshëm dhe me sferë të gjerë. Kina e Rusia do të ndërtojnë një naftësjellës të posaçëm nga Siberia deri në Kinë.

Wen Jiabao gjithashtu tregoi masat e qeverisë kineze mbi kontrollin e inflacionit dhe përballimin e krizës financiare. (Yuan Xin) (Artan)