Të mërkurën më 22 tetor, me pjesëmarrjen e personaliteteve më të larta të shtetit shqiptar në qytetin e Beratit u organizua ceremonia zyrtare e futjes së këtij qyteti në UNESCO. Të pranishëm ishin kryeministri Sali Berisha, ministri i Kulturës, Ylli Pango, si dhe një delegacion i UNESCO-s me në krye drejtoreshën e përgjithshme për kulturën në UNESCO, znj. Francoise Riviere. Ajo që ka tërhequr vëmendjen në këtë ceremoni ka qenë premtimi qeveritar për të shtuar fondet investuese në qytetin e Beratit, si dhe njoftimi i ministrit Pango për miratimin nga KRTRSH-ja të planit të përgjithshëm rregullues së qytetit. Ndërsa kryeministri Sali Berisha garantoi se qeveria do të shumëfishojë fondet dhe financimet për qytetin e Beratit, pasuri e UNESCO-s, ndërsa ftoi autoritetet vendore që të bashkëpunojnë me studiot më të mira vendase dhe të huaja që qyteti mbi 2400-vjeçar të zhvillohet me harmoni të plotë. (Gazmend)