Si një masë konkrete e planit të shpëtimit të tregut me 700 miliardë dollarë, më 14 tetor, presidenti amerikan Bush shpalli se qeveria do të përdorë 250 miliardë dollarë për të blerë aksione të institucioneve financiare duke nxitur ringjalljen e tregut financiar. Bushi theksoi se kjo është një masë e rëndësishme afatshkurtër dhe nuk ka për qëllim zëvendësimin e tregut të lirë të SHBA-së.

Ndërkohë, Komisioni i BE-së publikoi më 14 tetor një deklaratë, ku shpalli se ka miratuar projektin e qeverisë angleze për shpëtimin e tregut me një vëllim të përgjithshëm prej 500 miliardë paundësh. Komisioni tha se projekti i qeverisë angleze përputhet me rregullat përkatëse të BE-së mbi subvencionet qeveritare dhe nuk do të shkaktojë pasoja jo të mira në konkurrencë.

Sipas njoftimeve të tjera, ministri i Tregtisë i Kinës Chen Deming vuri në dukje më 14 tetor se Kina e Rusia duhet të forcojnë më tej bashkëpunimin për ta përballuar turbullirën e tanishme në tregun financiar të botës. (Jiang Lei)