Korrespondenti i Radios së Jashtme të Kinës njoftoi se më 23 korrik paradite sipas orës së Pekinit, ekipi i Argjentinës fitoi mbi ekipin e Çekisë me rezultatin 2:1, duke mbrojtur titullin kampion në Kupën e Botës në Futboll për të rinj nën 20 vjeçar.

Ky edicion i Kupës së Botës në Futboll për të rinj nën 20 vjeçar u zhvillua në Toronto të Kanadasë. Në finalen e 23 korrikut, ekipi i Argjentinës humbi në fillim një pikë, por në gjysmën e dytë duke përfituar nga epërsia teknike shënoi dy gola dhe më në fund mundi kundërshtarin. Kështu ekipi i Argjentinës u shpall për herën e 6-të kampion në Kupën e Botës në Futboll për të rinj nën 20 vjeçar. Në ndeshjen për vendin e 3-të, ekipi i Kilit fitoi mbi ekipin e Austrisë me rezultatin 1:0.

Kupa e Botës në Futboll për të rinj nën 20 vjeçar, që zhvillohet një herë në dy vjet, është veprimtaria kryesore në arenën ndërkombëtare të futbollit vetëm pas Kupës së Botës. Në këtë edicion 3 javor morën pjesë 24 ekipe. (Wang Lei)