Më 13 maj, Gazeta angleze "Lajme Nga Bota" botoi një lajm të rëndësishmë, që një grup financiar kinez dëshiron të blejë klubin kampion anglez të këtij sezoni "Mançester Junajtid" me një vlerë 850 milionë pound.

Siç mësohet, para 3 muajve, një specialist që përfaqëson këtë grup misterioz kinez ka shprehur dëshirën e blerjes. Ky grup shprehu shpresën që pronari i klubit "Mançester Junajtid", familja amerikane Glazer, ta shesë këtë klub, të cilin e bleu para dy sezoneve. Kur Glazerët blenë këtë klub, ata morën një hua nga banka prej 660 milionë poundësh.

Për blerjen e "Mançester Junajtidit" nga grupi kinez, presidenti i klubit Joel Glazer dhe shefi ekzekutiv David Gill refuzuan të bëjnë komente për këtë. Para dy vjetësh, familja Glazer bleu "Mançester Junajtid" me 790 milionë pound dhe deklaroi që do ta administrojë këtë klub për një kohë të gjatë. (Shy Guan)