Më 22 prill u organizua në qytetin Wuhan të Kinës Qendrore ceremonia e hedhjes së shortit për fazën në grup të Kupës së Botës për femra në futboll për vitin 2007. Në këtë kupë bote marrin pjesë l6 skuadra, që janë ndarë në 4 grupe. Si ekip i vendit organizator, ekipi kinez u përcaktua si një nga ekipet në krye të grupeve. Shorti e vendosi Kinën në grupin D së bashku me ekipet e Brazilit, Danimarkës dhe të Zelandës së Re. Ndërkaq, ekipet e grupit A do të jenë Gjermania, Anglia, Japonia dhe Argjentina. Në grupin B do të përballen me njëri-tjetrin ekipet e SHBA-së, Koresë së Veriut, Suedisë e të Nigerisë, ndërsa ekipet e Norvegjisë, Australisë, Kanadasë e Ganës ndodhen në grupin C.

Kupa e Botës e këtij viti do të zhvillohet nga l0 deri më 30 shtator në qytetet Shangai, Tiencin, Hanzhou, Wuhan dhe Chendu. ( Zhai)