Dje kombëtarja shqiptare ka nisur rrugën e saj drejt Europianit Austri-Zvicër 2008. Kuqezinjtë bënë përfaqësimin e parë në Minsk ndaj Bjellorusisë vendëse dhe dolën kryelartë, teksa morën një barazim në një transfertë shumë delikate.

Shifrat 2-2 flasin më qartë për atë që ndodhi në fushën e lojës, ku kishte gjithçka, sidomos gabime fatale në mbrojtje, ku më të rëndat ishin ato në mbrojtjen e kuqezinjve, ku pësuan dy golat. Por gjithsesi, edhe pse të gjendur dy herë në disavantazh, djemtë e Bariçit gjetën forcat e reaguan, duke barazuar dy herë shifrat dhe duke marrë me vete një barazim me vlera, që premton shumë për më tej. (Nga sportishqitpar.com)