Sipas lajmeve të Agjencisë Hsinhua, më 9 prill, përfunduan ndeshjet çerekfinale të kupës së tenisit Davis për vitin 2006. Mbajtësi i titullit kampion, ekipi kroat barazoi 1-1 me ekipin argjentinas dhe u skualifkua me rezultatin e përgjithshëm 2-3.

Për shkak të mungesës së lojtarit kryesor Mario Ançiç, ekipi kroat nuk mori pjesë në çerekfinale me formacion të plotë. Në ditën e parë, ekipi argjentinas fitoi me rezultatin 2-1. Ndërkohë të dielën lojtari kyç i ekipit kroat Ljubiçiç mori një fitore 3-0 me tenistin e njohur Nalbandian, duke e barazuar rezultatin e përgjithshëm.

Ndeshja e fundit u zhvillua midis kroatit 22 vjeçar Saša Tuksa dhe argjentinasit Chela. Megjithëse Tuksa u paraqit jashtë zakonisht mirë, ai nuk arriti ta mposhtë argjentinasin e përgatitur dhe e humbi ndeshjen me rezultatin 1-3.

Në dhjetor të vitit të kaluar, në ndeshjet finale kroatët mposhtën sllovakët, duke fituar për herë të parë titullin kampion për meshkuj në këtë kupë. (Jiang Lei)