Sipas lajmeve të Radios së Jashtme të Kinës, më 6 prill, u zhvilluan ndeshjet e dyta çerekfinale të Ligës së Kampioneve. Arsenali i Anglisë dhe Barcelona e Spanjës u kualifikuan për në gjysmëfinale.

Në Dele Alpi, anglezët e Arsenalit barazuan 0-0 me Juventusin, duke e eliminuar me rezultatin e përgjithshëm 2-0, ndërsa në Kamp Nou Barcelona fitoi 2-0 me Benfikën, duke u kualifikuar me rezultatin e përgjithshëm po 2-0.

Në gjysmëfinale, Arsenali do të takohet me Villarealin e Spanjës, kurse katalonjasit do të ndeshen me italianët e Milanit. Ndeshjet e para gjysmëfinale do të zhvillohen më 19 dhe 20 prill. (Jiang Lei)