Më 24 tetor u hap në Pekin Samiti i 7-të Azi-Evropë. Kryetari i shtetit i Kinës Hu Jintao mori pjesë në ceremoninë e hapjes dhe në fjalimin e mbajtur në këtë ceremoni ai u shpreh se bashkëpunimi dorë për dorë midis Azisë dhe Evropës është zgjedhja më e mirë.

Hu Jintao tha se pala aziatike dhe ajo evropiane duhet të shtojnë njohjet reciproke për politikat e drejtimet e zhvillimit të njëri-tjetrit, duke u nisur nga fryma e hapjes, të kultivojnë pika të reja të bashkëpunimit dhe nëpërmjet dialogut e konsultimeve të barabarta të trajtojnë si duhet fërkimet ekonomiko-tregtare, që të përballojnë sfidat e përbashkëta globale.

Hu Jintao u shpreh gjithashtu se Kina admiron dhe përkrah masat pozitive të marra nga vendet përkatëse përballë krizës financiare. Edhe Kina ka bërë përpjekje aktive brenda mundësive për të përballuar këtë krizë. (Wang Lei)(Artan)