Korrespondenti i Radios së Jashtme të Kinës njoftoi se më 22 tetor delegacioni i tibetologjëve të Kinës që ndodhej për vizitë në Poloni zhvilloi bisedime me grupin e deputetëve polako-kinezë të Parlamentit të Polonisë.

Gjatë bisedimeve delegacioni kinez i njohu përfaqësuesit e deputetëve polakë me gjendjen e zhvillimit shoqëror, ekonomik dhe kulturor të Tibetit, si dhe me mbrojtjen e kulturës tradicionale tibetiane, të lirisë fetare dhe të mjedisit biologjik.

Kryetari i delegacionit dhe nënkryetari i Shoqatës së shkëmbimeve kulturore të jashtme të Tibetit Shen Kaiyun u shpreh se duke përfshirë edhe Poloninë vende të huaja njohin shumë pak Tibetin, prandaj këto shkëmbime të drejtpërdrejta janë shumë të rëndësishme.

Kryetari i grupit të deputetëve plako-kinezë Dolniak tha se problemi i Tibetit tërheq gjithmonë vëmendjen e medieve të Polonisë dhe të vendeve të tjera, sidomos në kohën kur u organizuan në Pekin Lojërat Olimpike. Është shumë e nevojshme që të njihet toka misterioze e Tibetit, zakonet e kultura tibetiane, sepse kështu është në favor të zhdukjes së keqkuptimit. (Vera)