Më 22 tetor, zv/kryeministri kinez Wang Qishan tha në qytetin Nanning të Kinës jugore se tani po shtohen faktorët e paqëndrueshëm në ekonominë botërore, por baza e zhvillimit të ekonomisë kineze nuk ka ndryshuar dhe qeveria kineze ka marrë e do të marrë masa për të përballuar ndikimet nga jashtë dhe do të përpiqet të ruajë stabilitetin ekonomik, financiar dhe në tregun e pronave.

Wang Qishan u shpreh se Kina do të vazhdojë të nxitë "reformën dhe hapjen", të nxitë liberalizimin dhe lehtësimin e tregtisë e investimeve dhe do të kundërshtojë proteksionizmin me çdo mënyrë.

Wang Qishan tha gjithashtu se forcimi i bashkëpunimit midis Kinës dhe ASEAN-it ka një bazë të fortë dhe një potencial të madh, prandaj të dyja palët duhet të thellojnë më tej bashkëpunimin në fusha të ndryshme për të nxitur zhvillimin e shëndetshëm e të qëndrueshëm të ekonomisë në këtë rajon. (Jiang Lei)