Në kohën e tanishme kur stuhia financiare ka përfshirë gjithë globin, fabrikat kineze me eksportin si biznes kryesor, në provincat Jiangsu dhe Zhejiang të Kinës Lindore, veçanërisht fabrikat e tekstileve, kanë pësuar goditje të rëndë. Mirëpo, dy ndërmarrje të njohura kineze të çorapeve jo vetëm nuk po vuajnë stuhinë financiare, por kanë pasur edhe zhvillim.

Kompania e çorapeve "Mengna" është e vetmja kompani furnizuese e çorapeve për Lojërat Olimpike të Pekinit. Ajo prodhon 500 milionë palë çorapë në vit dhe 60 % prej tyre eksportohen në tregjet evropiane dhe amerikane. Presidenti i kësaj kompanie, z. Zong Guyin, i tha korrespondentit: "Pas ndodhjes së krizës amerikane të kredive të hipotekës të kategorisë jo të parë vitin e kaluar, kompania jonë rregulloi me kohë strategjinë e eksportit dhe patëm sukses në tregun evropian. Njëkohësisht, kemi shpejtuar hapat e zgjerimit në tregun kinez."

Z. Zong tha se çorapët janë sende të domosdoshme të jetës dhe me ngritjen e nivelit të jetesës së kinezëve do të bëhen edhe sende të konsumit të shpejtë, prandaj "kemi besim të plotë në tregun e brendshëm."