Agjencia Hsinhua njoftoi se rruga "Yabaolu", që ka qenë dikur tregu më i lulëzuar në Pekin i rrobave të gatshme, është bërë gradualisht terreni më i madhi në Kinë i grumbullimit dhe shpërndarjes së rrobave të gatshme të eksportit kinez dhe " terreni i grumbullimit të tregjeve të eksportit më me forcë tërheqëse për Evropën lindore".

Gazetari mësoi nga administrata lokale e distriktit Çao Yang të Pekinit se do të organizohet nga 25 deri më 28 tetor "Festivali i parë ndërkombëtar i veshjeve të rrugës Yabaolu të Pekinit". Aktualisht "Yabaolu" është bërë një treg ndërkombëtar rajonal me një sipërfaqe të tregtisë prej 220 mijë metrash katrore, me 21 pallate dhe mbi 4800 pavijone dhe një vëllim të përgjithshëm të tregtisë që kalon 5 miliardë dollarë në vit. Sferat e influencës së tregtisë të tregut "Yabaolu" janë kryesisht në Rusi dhe vendet e Evropës lindore dhe po zgjerohen në mbi 30 vende dhe rajone të botës. Mallrat e tij janë rroba të gatshme, këpucë, kapelë, artikuj të përdorimit të gjerë etj. (Vera)