Sipas njoftimeve të Radios së Jashtme të Kinës, më 13 tetor organi i Komitetit Qendror të Partisë Komuniste të Kinës "Zhenminzhibao" botoi një kryeartikull lidhur me mbylljen e plenumit të 3-të të Komitetit Qendror të PK të Kinës të zgjedhur në kongresin e 17-të, ku thuhet se do të përvetësohet iniciativa e reformës dhe hapjes, për të nxitur zhvillimin e ri ekonomik e shoqëror.

Në plenumin e 3-të të Komitetit Qendror të PK të Kinës të zgjedhur në kongresin e 17-të që u mbyll më 12 tetor, u shqyrtua dhe u miratua "Vendimi i KQ të PK të Kinës për disa probleme mbi nxitjen e reformës dhe të zhvillimit të fshatit". Në kryeartikull vihet në dukje se para 30 vjetëve, Partia Komuniste e Kinës ka filluar në radhë të parë reformën në fshat, kështu që në fshatrat e Kinës kanë ndodhur ndryshime të mëdha. Sot Kina ka hyrë në një moment kyç të shpejtimit të transformimit të bujqësisë tradicionale dhe të ecjes në rrugën e modernizimit bujqësor me karakteristika kineze. Ne duhet të forcojmë zhvillimin bujqësor për të garantuar sigurinë e drithërave dhe furnizimin me produktet bujqësore kryesore të vendit. Njëkohësisht duhet të nxitim shtimin e prodhimit bujqësor, shtimin e të ardhurat e fshatarëve dhe lulëzimin e fshatit, për t'i dhënë përkrahje të fortë zhvillimit të përgjithshëm, përpjesëtimor dhe të qëndrueshëm të ekonomisë e shoqërisë. (Sihai)