Më 26 shtator, kryeministri i Kinës Wen Jiabao përfundoi vizitën e tij në OKB dhe u kthye në Pekin. Ministri i Jashtëm i Kinës Yang Jiechi, që e shoqëroi kryeministrin gjatë vizitës, është i mendimit se kjo vizitë është betim serioz i reformës e hapjes, i zhvillimit paqësor dhe i përparimit të përbashkët.

Yang Jiechi tha se një sërë aktivitetesh gjatë vizitës së Wen Jiabao-s treguan vendosmërinë e Kinës për zbatimin e zhvillimit paqësor, reformës e hapjes dhe politikës së jashtme paqësore të pavarur e autonome. Vizita e tij tregoi dëshirën e sinqertë të Kinës për të bërë përpjekje të nxitë zhvillimin e përbashkët, shfaqi besimin e fortë në përballimin nga Kina të ndikimeve të krizës financiare amerikane. Vizita e tij tregoi gjithashtu qëndrimin e Kinës që i kushton rëndësi sigurisë së ushqimeve, si dhe shtjelloi qëndrimin që Kina i kushton rëndësi zhvillimit të marrëdhënieve me Amerikën. (Çang Çuo)