Më 25 shtator, pasi mori pjesë në Konferencën e Nivelit të Lartë për Objektivin e Zhvillimit të Mijëvjeçarit të OKB-së, kryeministri i Kinës Wen Jiabao u largua nga Nju-Jorku dhe u kthye me aeroplan të posaçëm në Pekin.

Në konferencë, Wen Jiabao bëri të ditur një sërë masash të reja të Kinës për ndihmën ndaj vendeve të tjera. Për shembull, Kina do të falë kreditë pa interes të saj ndaj vendeve më të pazhvilluara, që duhet të kthehen në fund të këtij viti, si dhe do të importojë 95 % të produkteve me taksë zero nga vendet më të pazhvilluara. Gjithashtu, Kina do t'i dhurojë Organizatës së Bujqësisë dhe të Ushqimit të OKB-së 30 milionë dollarë si fond të administruar në mirëbesim, për të ndihmuar vendet në zhvillim në ngritjen e aftësisë së prodhimit bujqësor. (Shy Guan) (Artan)