Zhai Zhigang, që ka lindur në tetor 1966, është nga distrikti Longjian i provincës Heilongjian. Në qershor të vitit 1985 ai hyri në ushtri dhe në vitin 1989 u diplomua në Institutin e tretë të Fluturimit të Forcave Ajrore. Ai ka qenë pilot i aeroplanit luftarak dhe ka fluturuar në mënyrë të sigurt për 950 orë, duke u vlerësuar si pilot i kategorisë së parë. Në janar të vitit 1988 ai u bë zyrtarisht kozmonaut i numrit të parë të Kinës. Në vitin 2003 ai u bë kandidat për kozmonaut të anijes së parë kozmike në vendin tonë. Në qershor 2005 ai u zgjodh anëtar i ekuipazhit të anijes kozmike me kozmonautë "Shenzhou nr. 6". Zhai Zhigang është tani kozmonaut i kategorisë së dytë i Brigadës së Kozmonautëve të Ushtrisë Çlirimtare Popullore të Kinës. Në maj të vitit 2008, ai u zgjodh kozmonaut i ekuipazhit të anijes kozmike "Shenzhou nr. 7".

Liu Boming, që ka lindur në shtator 1966, është nga qyteti Yian i provincës Heilongjian. Ai hyri në ushtri në qershor 1985 dhe ka qenë komandant i Brigadës së kozmonautëve të divizionit të Forcave Ajrore. Ai ka fluturuar në mënyrë të sigurt për 1050 orë dhe është vlerësuar si pilot i kategorisë së parë i Forcave Ajrore. Në janar 1998 ai u bë zyrtarisht kozmonaut i numrit të parë të Kinës. Në maj 2008 ai u zgjodh pjesëtar i ekuipazhit të anijes kozmike "Shenzhou nr. 7".

Jing Haipeng ka lindur në tetor të vitit 1966 në qytetin Yuncheng të provincës Shanxi. Ai hyri në ushtri në qershor të vitit 1985 dhe ka qenë drejtuesi i kryepilotëve të një divizioni ushtarak ajror. Ai ka arritur rezultatin e fluturimit të sigurt prej 1200 orësh dhe është përzgjedhur si pilot i kategorisë së parë i Forcave Ajrore. Në janar të vitit 1998, ai u bë zyrtarisht një nga astronautët e parë kinezë. Në qershor të vitit 2005, ai u zgjodh si anëtar i grupit të gatshëm të astronautëve për anijen kozmike me kozmonaut "Shenzhou nr. 6". Tani ai është astronaut i kategorisë së dytë i Ushtrisë Çlirimtare të Popullit kinez, në rang të zv.komandantit të divizionit. Në maj të vitit 2008 ai u zgjodh si pjesëtar i ekuipazhit të anijes kozmike me kozmonaut "Shenzhou nr. 7".Du) (Artan)