Më 24 gusht paradite kryetari i shtetit i Kinës Hu Jintao shtroi një drekë në "Fangfeiyuan" të Shtëpisë së Mysafirëve "Diaoyutai" të Pekinit për nder të mysafirëve ndërkombëtarë që kanë ardhur për të marrë pjesë në ceremoninë e mbylljes së Lojërave Olimpike të Pekinit.

Në fjalim përshëndetjeje të mbajtur në këtë drekë, kryetari i shtetit i Kinës Hu Jintao tha: "Lojërat Olimpike të Pekinit kanë çuar përpara frymën olimpike të paqes, miqësisë dhe të unitetit. Organizimi i Lojërave Olimpike të Pekinit do të nxitë gjerësisht shkëmbimet dhe bashkëpunimin midis Kinës dhe familjes së madhe olimpike ndërkombëtare dhe do të forcojë thellësisht njohjen reciproke dhe miqësinë midis popullit kinez dhe popujve të vendeve të ndryshme të botës."

Hu Jintao tha gjithashtu se Kina do të përpiqet të organizojë një edicion të Lojërave Paralimpike me nivel të lartë dhe me karakteristika dhe do të vazhdojë të japë kontributin për zhvillimin e lëvizjes olimpike ndërkombëtare. (Sihai)