Më 24 gusht, përfunduan të gjitha garat dhe ndeshjet e Olimpiadës së Pekinit. Në këtë olimpiadë, janë thyer 38 rekorde botërore dhe janë fituar gjithësej 302 medalje të arta. Në tabelën e medaljeve, Kina zë vendin e parë me 51 medalje të arta, SHBA-ja zë vendin e dytë me 36 medalje të arta, kurse Rusia vendin e tretë me 23 medalje ari.

Në Olimpiadën e Pekinit, 11 sportistë shqiptarë morën pjesë në 6 gara dhe ndeshje.

Më 24 gusht, në finalen e gjimnastikës artistike si ekip për femra, ekipi rus fitoi medaljen e artë, ekipi kinez fitoi medaljen e argjendtë.

Në finalen e vaterpolos për meshkuj, ekipi hungarez mposhti ekipin amerikan dhe fitoi medaljen e artë.

Në finalen e hendbollit për meshkuj, ekipi francez fitoi medaljen e artë. Kjo është medalja e fundit e artë në këtë olimpiadë.

Në finalen e boksit 48 kg për meshkuj, boksieri kinez Zou Shiming fitoi medaljen e artë. Kjo është medalja e parë e artë olimpike e boksit e Kinës.

Në finalen e boksit 81 kg për meshkuj, boksieri kinez Zhang Xiaoping mposhti boksierin irlandez Keni Egan dhe fitoi medaljen e artë. Kjo është medalja e 51-të e artë e delegacionit olimpik kinez.

Krahas këtyre, ekipi i basketbollit i SHBA-së për meshkuj mposhti ekipin e Spanjës dhe fitoi medaljen e artë. Ekipi i volejbollit i SHBA-së për meshkuj mposhti ekipin e Brazilit dhe fitoi medaljen e artë. (Fani)