Në orën 11 e 55 minuta të 18 gushtit, përfundoi gara e parë e vrapimit 110 metra me pengesa për meshkuj e Lojërave Olimpike të Pekinit. Liu Xiang, që ishte pretendent i fortë për titullin kampion dhe ish-shënues i rekordit botëror, doli nga gara e vrapimit për shkak të dëmtimit. Shumë përdorues të internetit "CRI on Line" shprehën keqardhje për këtë, e njëkohësisht treguan tolerim dhe mirëkuptim.

Gjatë sondazhit të bërë më 18 gusht nga radio në internet "CRI on Line", del se shumica dërrmuese e përdoruesve të internetit e mirëkuptojnë lënien nga Liu Xiangu të garës. Ata janë të mendimit se "Liu Xiangu doli nga gara për arsye të dëmtimit, gjë që është një emocion dhe një fitore. Historia e Liu Xiangut tregon frymën olimpike."

Përdoruesi i internetit me nofkën "Tregimi i mëngjesit" tha: "Në mesditë unë pashë se Liu Xiangu doli nga gara e vrapimit. Qava për këtë! Mendoj se kur la garën, Liu Xiangu ishte ai që vuajti më shumë se të gjithë. Ne duhet ta mirëkuptojmë dhe duhet ta përkrahim më shumë atë! Shpresojmë se ai do të shërohet sa më parë. Ne të përkrahim gjithmonë! Ti je gjithmonë hero në zemrën tonë."

Përdoruesi i internetit me nofkën "Ëndrra e vjetër" i tha korrespondentit: "Ne e duam Liu Xiangun, jo për arsye se ai mund të fitonte medalje të artë, por më shumë për arsye se ai u ka sjellë kinezëve magji dhe ka krijuar magji për aziatikët. Nuk duhet të harrojmë qëllimin tonë fillestar të respektit ndaj tij."

Përdoruesi i internetit me nofkën "Nuk është supernjeri" tha se kjo nofkë interneti është posaçërisht për Liu Xiangun. "Ne nuk duhet të kritikojmë askënd. Liu Xiangu si një sportist nuk donte të bënte kështu. Ai është më i guximshëm se ne, njerëzit e zakonshëm. Të paktën, ai mund të qëndrojë në skenën e botës."

(Du) (Artan)