Më 15 gusht pasdite u zhvilluan në parkun olimpik të Sunyisë dy garat e fundit të kanotazhit slalom të Lojërave Olimpike të Pekinit. Sportistët sllovakë fituan të dy medaljet e arta të këtyre garave. Së bashku me medaljen e artë të fituar nga bashkatdhetari i tyre Michal Martikan më 12 gusht në garën e kanotazhit slalom për meshkuj, sportistët sllovakë fituan 3 nga 4 medaljet e arta të kësaj disipline për meshkuj, pra, ata treguan plotësisht epërsinë e tyre.

Në garat e 15 gushtit, kampionët e dy Lojërave të kaluara Olimpike, binjakët Peter dhe Pavol Hochschorne fituan titullin kampion të garës së kanotazhit slalom çift për meshkuj me rezultatin 190.82 pikë, duke realizuar fitimin për 3 herë rresht të këtij titulli. Pas marrjes së titullit kampion, vëllai i madh Peter tha se stërvitja këmbëngulëse është faktori kryesor i arritjes së suksesit....

"Nuk ka sekret. Është vetëm stërvitja. Ne kemi qëndruar shumë kohë për stërvitje në ujë dhe në kanalet e garave, stërvitja është shumë e rëndësishme. "

Pastaj, në garën finale të kajakut slalom për femra, kampionia e Lojërave të kaluara olimpike Elena Kaliska, me rezultatin 192.64 pikë, mbrojti titullin e vet kampion. 36-vjeçarja Kaliska ka luftuar për shumë vjet në garat e kajakut slalom. Ajo është e bindur se Sllovakia do të vazhdojë të ruajë epërsinë në këtë disiplinë....5..

"Megjithëse jemi nga një vend i vogël, shumë njerëz e duan këtë lloj sporti, ata ia kanë kushtuar veten këtij sporti dhe do të dalin nga gjiri ynë edhe më shumë kampionë. " ( Zhai)