Sikurse njofton korrespondenti i Radios së Jashtme të Kinës, ditët e fundit, pingpongistja polake Natalia Patreka, së cilës i ka mbetur vetëm një krah, tha në një intervistë se ajo ndien gëzim të madh për Lojërat Olimpike të Pekinit.

Pas pjesëmarrjes në ndeshjen ekipore në grup për femra me ekipin e Hong-Kongut të Kinës, kjo lojtare 19-vjeçare polake tha: "Ky pallat i pingpongut është krejt i ri dhe i bukur. Këtu luajta shumë mirë. Dihet nga të gjithë se kinezëve u pëlqen sporti i pingpongut. Unë e ndiej veten shumë të gëzuar se këtu të gjithë më kuptojnë dhe tregojnë kujdes për mua. Duhet të them se atmosfera e lojës së pingpongut në Pekin është shumë e mirë. Kjo më bëri të ndiej diçka të ëmbël në zemër."

Zbigneu Nençek, trajneri i Natalisë, tha se në Poloni tregohet kujdes vetëm për futbollin, kurse në Kinë, të gjithë i respektojnë lojtarët e pingpongut dhe u japin zemër. Është e vërtetë se nga kjo gjë ndiejmë diçka të ëmbël në zemër.

Pas Lojërave Olimpike të Pekinit, Natalia do të mbetet në Pekin për të marrë pjesë në Lojërat Paralimpike. (Zheng) (Artan)