Ditët e fundit, korrespondentët rumunë në Lojërat Olimpike vlerësuan lart vullnetarët olimpikë.

Në një artikull, korrespondenti i televizionit rumun "Realitatea" Bogdan Sokol shkroi se populli kinez dëshiron të bëjë të gjitha përpjekjet në mënyrë që mysafirët të ndihen si në shtëpinë e tyre. Në Pekin, këtë qytet të madh, vullnetarët mund t'ju ofrojnë në çdo kohë ndihmë dhe t'ju tregojnë rrugën. Bogdan Sokoli tregoi edhe rastin e tij, kur një vullnetare e ndihmoi të shkruante emrin e hotelit në një letër dhe ia dha shoferit të taksisë këtë letër. Pas gjysmë ore, ai u kthye pa problem në hotelin e tij.

Korrespondenti i radios rumune "Targul Mures" Aurel Ratiu tha se, për të bërë që Lojërat Olimpike të kurorëzohen me sukses, vullnetarët e Pekinit, ashtu si vullnetarët e Lojërave të kaluara Olimpike, punojnë në heshtje ditë e natë. Në Qendrën Informative të Lojërave Olimpike të Pekinit, ata i përshëndetin me buzëqeshje korrespondentët e vendeve të ndryshme. Mësohet se vullnetari më i madh mes tyre është 87-vjecar. (Du)