Korrespondentët e Radios së Jashtme të Kinës njoftuan se ditë me rradhë, komuniteti ndërkombëtar vazhdoi t'i japë në mënyrë të ndryshme palës kineze ndihmë për zhdukjen e pasojave të tërmetit në provincën Sëchuan të Kinës.

Ambasada e Kinës në Pakistan u shpreh se një kontigjent tjetër cadrash të dhënë nga Pakistani zonave të prekura nga tërmeti në Kinë u nis më 26 maj nga aeroporti ndërkombëtar i Karacit për në zonat e prekura nga tërmeti në Sëchuan.

Më 25 maj Singapori organizoi një mbrëmje artistike në gjuhën kineze për grumbullimin e kontributeve për zonat e prekura nga tërmeti dhe ka mbledhur gjithësej 34 milionë yuanë. Këto kontribute do të dërgohen me anën e ambasadës kineze në Singapor për në Bashkinë e provincës Sëchuan për rindërtimin e shkollave dhe për mbajtjen e jetimëve të zonave të prekura nga tërmeti.

Më 25 maj, u nisën nga Stokholmi në Kinë 600 cadra të dhëna nga drejtoria e ndihmës e qeverisë suedeze dhe shoqata e luanëve të Suedisë për të ndihmuar banorët e zonave të prekura nga tërmeti Wenchuan për strehimin e përkohëshëm.

Më 25 maj, presidenti i Malit Amadou Toumani Toure i transmetoi në rezidencën presidenciale ambasadorit të Kinës në Mali një cek rreth 120 mijë dollarë amerikanë për zonat e prekura nga tërmeti në provincën Sëchuan të Kinës. ( Zhai)