Sipas njoftimeve të Agjencisë kineze të Lajmeve Hsinhua, më 22 maj pasdite, anëtari i përhershëm i Byrosë Politike të Komitetit Qendror të Partisë Komuniste të Kinës, kryeministri i Kinës, komandanti i përgjithshëm i shtatmadhorit të shpëtimit të fatkeqësisë Wen Jiabao shkoi edhe një herë me aeroplan të posaçëm në Sichuan për të vizituar masat popullore të prekura nga fatkeqësia, ushtarët, policët, mjekët etj., dhe për të drejtuar punët e shpëtimit.

Më 22 maj, në orën 5 pasdite, sapo arriti në aeroportin Mianyang, Wen Jiabao shkoi me helikopter në Beichuan për të inspektuar situatën e liqenit të pluguar dhe për të vizituar banorët që do të transferohen.

Më 23 maj paradite, Wen Jiabao shkoi në një shkollë të mesme për të vizituar mësuesit dhe nxënësit që rifilluan mësimet.

Po më 23 maj pasdite, Wen Jiabao shkoi në qytetin Pengzhou për të inspektuar situatën e zhvillimit të punëve të shpëtimit. Ai tha se kuadrot dhe masat popullore në zonat e prekura nga fatkeqësia duhet të bëjnë mirë punët e parandalimit të epidemisë, për të siguruar që pas fatkeqësisë së madhe të mos ketë epidemi të madhe. Ai tha gjithashtu se tani çadrat nuk janë të mjaftueshme. Sekretari i përgjithshëm Hu Jintao po organizon forcat të prodhojnë ditë e natë. Ne do të fitojmë patjetër. (Çang Çuo)